Улаан-Yдэ хотодо Буряад Уласай стратегическэ удха шанартай үүсхэлнүүдэй түрүүшын клубай нээлгэнэй ёhолол ба түрүүшын суглаан үнгэрбэ.Клуб – энэ албан ёhоной бэшэ талмай болоно. Эндэ АСИ-гай экспертнүүд, нютагай захиргаан, хүгжэлтын олониитын байгуулганууд, дээдэ hургуулинууд ба уласай эдэбхитэй хүнүүд ороно. Клубай гол зорилго – хүсэлнүүдые болон түсэлнүүдые дэмжэлгэ ба бэелүүлгэ, мүнгэн hангай болон мүнгэн hангай бэшэ эшэ үндэhэнүүдые нэгэдүүлгэ болоно гээшэ.
Энэ клубай түрүүлэгшэ уласай толгойлогшо Алексей Цыденов болобо. Клубай гэшүүдэй тоодо саг үргэлжэ хүдэлдэг ба уригдаhан гэшүүд ороно. Саг үргэлжэ хүдэлдэг гэшүүдэй тоодо мэдээжэ ашаг олзын хэрэг эрхилэгшэд Вадим Бредний, Геннадий Доржиев, Евгений Пруидзе, Константин Агалов, Улаан-Yдын авиационно заводой захирал Леонид Белых, Сбербанкын Буряадай таhагай хүтэлэгшэ Антон Соколов гэгшэд болоно. Клубай ба даргын бэшэг эрхилэгшэ Баясхалан Цыреторов.
Клубта «Болбосорол», «Аяншалга», «Олондо хабаатай хэрэг», «Хотын хүгжэлтэ» ба «Хүдөө нютагай хүгжэлтэ» гэhэн табан шэглэлээр экспертнэ бүлэгүүд байгуулагдаа. Бүхы hонирхолтой түсэлнүүд энэ талмай дээрэ зүбшэн хэлсэгдэжэ, саашадаа бэелүүлэгдэхэ.
