Хоёр уншалгын сагта «О внесении изменений в Конституцию Республики Бурятия в связи с принятием Закона Российской Федерации о поправке к Конституции Российской Федерации «О совершенствовании регулирования отдельных вопросов организации и функционирования публичной власти» гэhэн хуули абтаба. Хуулиин түсэлөөр Буряад Уласай Үндэһэн хуулиин 61, 62, 70, 71, 74, 86, 102-дохи статьянуудта заhабари нэмэлтэ оруулагдахые дурадхагдана. Гол хубилалтанууд тухай Арадай Хуралай hунгамал Гүрэнэй байгуулалтын, нютагай өөhэдын хүтэлбэриин, хуули ёhоной ба гүрэнэй албанай асуудалнуудай талаар хорооной түрүүлэгшэ Виктор Малышенко тодорхойлжо үгэбэ,- гэжэ Буряад Уласай Арадай Хуралай мэдээсэлэй албан дуулгана.
- Ородой холбоото уласай Конституцида заhабари нэмэлтэ оруулагдаhан ба «Хуули сахидаг зургаан тухай» гэжэ уласай хуули абтаhан дээрэhээ бидэ нютаг можын дээдэ хуралтай субъектын хуули сахигшын зүбшэлгэ Холбоото уласай хуулиин тогтоолдо тааруулан хубилганабди. «Оросой холбоото уласай Федеральна Собраниин Федерациин Соведэй гэшүүн» гэжэ үгэ «Ородой холбоото уласай сенатор» гэжэ үгөөр hэлгэгдэбэ. Арадай Хуралай дэргэдэ бүридүүлэгдэhэн үндэһэн хуулиин комисси ажал ябуулhан байна. Бүхыдөө Буряад Уласай Үндэһэн хуулида арба гаран статьянууд шэнэлэгдээ.
Саашадаа Холбоото уласай хуулиин хубилалтануудта хабаатай асуудалнуудай хоёрдохи хуби дээрэ ажал ябуулагдаха.
