Буряад Улас дотор нютаг можын хүгжэлтын талаар жаса хиналта доро абтаха. Тэрэ Арадай Хуралай hунгамалнуудай урда хэhэн ажал тухайгаа хахад жэлэй нэгэ дахин тоосоо баридаг болохо гэжэ парламентын мэдээсэлэй албан тодорхойлбо. Энээн тухай «О внесении изменений в отдельные законодательные акты Республики Бурятия в части совершенствования инвестиционной деятельности на территории Республики Бурятия» гэжэ парламентын ээлжээтэ сесси дээрэ абтаhан хуули соо хэлэгдэнэ.
Энэ жаса инвесторнуудтай сэхэ хэрэг ябуулдаг, нютаг можодо инвестици оруулхын, тэрэниие хасардахын түлөө харюусадаг. Жэл бүри эдэнэй ажал ябуулга бэелүүлхын тула уласай бюджедhээ 20 миллион түхэригhөө дээшэ мүнгэн hомологдодог, - гэжэ хуулиин тогтоолой үүсхэгшэ Арадай Хуралай hунгамал Галсан Дареев тайлбарилба. – Энэ эмхиин нэрэ зэргэ, үүргэ бэхижүүлхэ дурадхал байна, тиигээд хахад жэлэй нэгэ дахин Арадай Хуралда Буряад Уласай инвестициин дурадхалнуудай урагшаа дабшалгын дүн тухай, оруулhан инвесторнууд ба инвестицинүүд тухай, инвестициин түсэлнүүдэй бэелүүлгэ тухай тоосоо бариха эрилтэ дурадхагдана.
Галсан Дареев Арадай Хуралда тоосоо барилга хэрэгтэй гээшэ гэжэ тэмдэглэбэ.
