Арадай Хурал суглаанда бэлдэнэ. Ерэхэ долоон хоногто Уласай Дээдэ Хуралай 13-дахи ээлжээтэ хуралдаанда бэлдэлгын хэмжээ ябуулганууд соогуур Арадай Хуралай 4 хороонуудта зүблөөнүүд түсэблэгдэнхэй. Мүнөө cагта 25 хэлсэхэ асуудалнууд оруулагдаhан байна.
Хуралдаанда бэлдэлгын хэмжээ ябуулгануудай хажуугаар hунгамалнууд албанай хэрэгээр гаража, зүблөө үнгэргэхэ. Багшанарай августын конференцидэ видеоконференциин холбооной гуримаар Буряад Уласай Арадай Хуралай түрүүлэгшэ Владимир Павловай хабаадалга түсэбтэ оруулагданхай. Сесси дээрэ гүрэнэй татабариин гуримшуулга тухай хуулида заhабари хаража үзэхэ. Заhабариин гол удха – олон үхибүүтэй бүлэнүүд транспортын гүрэнэй татабариhаа сүлөөлэгдэхэ. Буряад Уласай Социальна хамгаалгын яаманай бэлэдхэhэн хуулиин тогтоолоор олон үхибүүтэй бүлын нэгэ гэртэхиниие бүридэлдэ табигдаhан нэгэ хүнгэн машинанайнь транспортын гүрэнэй татабариhаа сүлөөлхэ гэжэ хараалагдана. Гурбанhаа олон үхибүүтэй бүлэнүүд ехэнхидээ олон hууритай машина абадаг. Бүхы уласай олон үхибүүтэй бүлэнүүдhээ татабариин хамта дээрээ 30,2 миллион түхэриг 2021 онhоо уласай бюджедтэ орохогүй.
Хуралдаан дээрэ Буряад Уласhаа дэмжэлгэтэй сенатор Александр Варфоломеев ажал тухайгаа мэдээсэлэй элидхэл хэхэ. 2020 оной бюджедтэ хубилалтанууд оруулагдаха. Малай үбшэ hэргылэлгын ба усадхалгын хэрэгтэ үнгэргэгдэхэ хэмжээ ябуулганууд тухай ажал хараалагдана. Толгойлогшын ба Хуралай hунгамалнуудые hунгалтын хуулида заhабари оруулха гэжэ түсэблэгдэнэ.
