Буряад Уласай Арадай Хуралда июниин 30-да табигдаhан ээлжээтэ 12-дохи хуралданай хэлсэхэ зүйл дээрэ ажал үргэлжэлhөөр. Мүнөө сессиин хэлсэхэ зүйлдэ 29 асуудалнууд, тэдэнэй хоёрынь «Засаг түрын саг» дээрэ гаргагдаба. Тиигэжэ, hунгамалнууд (COVID-19) короновирус үбшэнэй үедэ эрхэтэдэй элүүрые хамгаалга ба энэ үбшэнэй Буряад орондо дэлгэрхэгүйн түлөө хэгдэжэ байhан ажал тухай Уласай Засагай газарай мэдээсэл шагнаха.
Засаг түрын сагай 2-дохи асуудал – экономикын үрэ дүн тухай мэдээсэл ба Уласай ойн ажахын агенствын 2020 оной түсэблэhэн тоо баримтанууд.
Оруулhан Хуулиин түсэбүүдэй дунда – Оросой Холбоото Уласай Юрэнхылэгшэ Владимир Путинда, Федерациин Зүблэлэй Түрүүлэгшэ Валентина Матвиенкодо, Гүрэнэй Дүмын Түрүүлэгшэ Вячеслав Володиндо, Засагай Газарай Түрүүлэгшэ Михаил Мишустинда Хуралай тогтоолой проект болоно. Хандалга Буряад Уласые газаар хангалга ба үмсын гэртэй зониие зайн галаар гэрээ дулаасуулхыень урмашуулхын тула тусхай тариф тогтоохо хэрэгүүдтэ зорюулагдана. Энэ асуудал бүлэг hунгамалнуудай зүгhөө хэлсэхэ зүйлдэ оруулагданхай, тиигээд энээнтэй сесси дээрэ Арадай Хуралай Экономическа политикын, байгаалиин нөөсэ баялигуудые ашаглалгын ба тойронхи оршон хамгаалгын хорооной түрүүлэгшэ Анатолий Кушнарев танилсуулха.