Буряад Уласай Гэнэ усалай медицинын түб «түргэн туhаламжын» түрүүшын дүрбэн автомобильнуудтай болобо. Тэдэнь ниислэл хотын ба хүдөө аймагуудай зондо hайн шанарай туhаламжа ба түргэн хүрэлгэ дээшэлүүлхэ болоно. Майн 12-то, гарагай гурбанда Буряад Уласай толгойлогшо Алексей Цыденов шэнэ автомобильнуудай түлхюурнүүдые Газар дэбисхэрэй усалай медицинын түбэй жолоошодто барюулба,-гэжэ Восток-Телеинформ Буряад Уласай Засагай газарай хэблэлэй албанhаа дуулгаба.
Короновирус үбшэнтэй тэмсэлгэдэ бэлэн байхын тулада элүүрые хамгаалгын hалбаринуудые хэрэгтэй автомобильнуудаар ба техникээр хангаха гэhэн Ород Уласай Юрэнхылэгшэ Владимир Путинай тойрогуудай түлөөлэгшэдтэй зүблөөн дээрэ үгтэhэн даабаряар худалдажа абтаhан 11 унаануудай түрүүшын бүлэг болоно.
- COVID-19 үбшэнтэй тэмсэлгэдэ федеральна түбhөө Буряадай элүүрые хамгаалгын түбтэ нэгэтэ бэшэ туhаламжа ба тэдхэмжэ хүргэгдэнэ. Мүнөөдэр түрүүшын реанимобильнуудай бүлэг ерэбэ, эдэ булта hүүлшын эмнэлгын оньhон түхеэрэлгэнүүдээр хангагданхай. Хаанашье байхадаа, харгыдашье ябахадаа түрүүшын минутаhаа туhаламжа хүргэжэ эхилхэ аргатай. Эдэ түрүүшын лэ 4 автомобильнууд, үшөө 7 унаа ерэхэ.
Манай нютаг можодо туhаламжа ходо ерэжэл байна. Больницануудта түхеэрэлгэнүүдые, үбшэнтэнэй хэбтэхэ оро абаха 400 миллион түхэриг, Алас Дурнын холбоото Уласай тойрогhоо эмшэдэй бэе хамгаалга хэрэгсэлнүүдые абаха 90 миллион түхэриг hомологдоо. Энэ туhаламжа юрэнхылэгшын даабариин хэмжээн соо ябуулагдана, -гэжэ Цыденов онсо тэмдэглэбэ.
