Буряад Уласай Толгойлогшо Алексей Цыденов Эрхүү можын үхибүүдтэ Буряад Уласта амаралга эмхидхэхэ гэжэ засаг зургаануудта даалгаба. Хүршэ можын губернаторта бэшэг соогоо 160 үхибүүдые амаруулха аргатай байһанаа мэдүүлбэ. Энээ тухай Фэйсбугай хуудаһан дээрэ Толгойлогшын пресс-секретарь Алексей Фишев бэшэнэ.
21 үдэр соо Кабанскын, Загарайн, Тарбагатайн аймагуудай дүрбэн хүүгэдэй элүүржүүлгын зунай лагерьнуудта амаралга эмхидхэгдэхэ гэжэ түсэблэгдэнэ. Буряад Улас үхибүүдые амаралга өөр дээрээ даажа абаха.
Эрхүү можодо ехэ бороо хурын хэдэн үдэрэй туршада ороходонь, Нижнеудинский, Тайшетский, Тулунский, Чунский гэжэ дүрбэн аймагуудта 31 һуури тосхонууд уһанда абтаа. Үдэ, Ия, Бирюса, Ут, Икейка ба Кирей голнууд эрьеһээ халижа, 3735 зоной гэр байшангууд уһанда ороо, тиигэжэ 9063 мянган хүн гэргүй үлөө, тэдэнэй тоодо 2087 үхибүүд, 32 ниигэмэй объектнүүд (ФАП-нууд, һургуулинууд, хүүгэдэй сэсэрлигүүд), 3747 бууса шадарай газарнууд болоно.
Автотрасса дээрэ 13 хүүргэнүүд һандаржа, Р-255 «Сибирь» гэһэн гүрэнэй удха шанартай харгы, 16 нютаг хоорондохи автомобильна замай зарим хэһэгүүд хаагдаа.
