Буряад Уласай Арадай Хуралай зүблөөн дээрэ эдилгэ абалгада эсэргүүсэхэ үйлэ тухай хуулида заhабари нэмэлтэ оруулха тогтоол баталагдаа. Энэ заhабари нэмэлтэ хүдөө нютагай hунгамалнуудай тунхаглалгын гурим хүнгэлхэ болоно гэжэ Восток – Телеинформ гүрэнэй дээдын хуралай мэдээсэлэй албанhаа дуулгана.
Мүнөө сагта хүдөө нютагай hунгамалнуудай ехэнхи хубинь гансал гол ажал дээрээ мүнгэ салин абадаг, багшанар, эмшэд, соелой хүдэлмэришэд, пенсионерүүд болоно гээшэ. Эдэ hунгамалнуудай ехэнхинь хамтын хэрэгээр ажал ябуулна, тэдхэмжэ үзүүлэлгын, бусад ондоо ниитын хэмжээ ябуулгануудые үнгэргэнэ, хододоо арад зонтоёо нягта холбоотой хүдэлнэ.
Олон дабхар зарлалгын саарhа данса хүсэлдүүлжэ бэшэлгэ хүдөө нютагай hунгамалнуудай онсо байдал хараада абтаагуй байhанhаа хүндэ орёо байдал тогтооно. Энэ декларацияа буруу бэшэбэл, hунгамалнууд депутадай мандат алдаха болоно.
Хуули тогтоогшод энэ заhабари нэмэлтэ бэрхэ, дүй дүршэлтэй ажалшадые хамгаалха, нютагай хуули засагай шанар дээшэлүүллхэ, тиимэhээ арад зоной ажабайдал hайжарха болоно гэжэ найдана.
