Улаан-Үдэ хотодо майн 15-hаа майн 16 болотор «Экономическая аналитика, планирование и прогнозирование» гэжэ мэргэжэлээ дээшэлүүлгын hуралсал мэргэжэлтэдтэ ба аймагай гулваанарта үнгэргэгдэбэ. Энэ hуралсал Буряад Уласай Толгойлогшын даабаряар март hара соо үнгэрhэн Алас Дурнын университедэй дэргэдэ эмхидхэгдэhэн hуралсалай үргэлжэлэл болоно.
Аймагай гулваанар Владивосток хото гаража, Приморский хизаарай нютагай засагай дүй дүршэлтэй танилсаа. Харин мүнөө энэ hуралсалда спикер боложо, Алас Дурнын федеральна университедэй «Финансы и кредит» гэhэн кафедрын доцент Максим Кривелевич уригдаhан байна. Тэрэ хэдэн олон тоото урагшатай проектнуудые зохёоhон, «Свободный порт Владивосток» гэhэн концепциин автор болоно гэжэ Буряад Уласай толгойлогшын ба Засагай газарай мэдээсэлэй албан мэдээсэнэ.
Аймагай, сомоной жара гаран гулваанар, мэргэжэлтэд, юристнүүд мэргэжэлээ дээшэлүүлээ. Тэдэнэр нютаг можын, хотын тойрогой, аймагай хүгжэлтэдэ хэрэглэхэ арга боломжонуудтай hайн танилсаа.
Иимэ хэмжээ ябуулга Буряад Уласай толгойлогшын захиргаан, Буряад Уласай Засагай газар, «Центр делового образования Торгово-промышленной палаты Республики Бурятия» гэжэ мэргэжэлэй эмхи зургаантай хамта эмхидхээ.