Калининградай можын Светлогорскдо бүхы оросой зиндаагай «ПРОФ-IT.2018» гэһэн хизаар оронуудай мэдээсэл хэрэглэмжын урилдаан һая үнгэрөө. Тэндэ Буряад уласай зүгһөө эльгээгдэһэн түсэлнүүдтэ ехэ һонирхол хандуулагдаһан байна.
Уласай толгойлогшын болон засагай газарай захиргаанай зохëоһон «Аюулгүй хото» болон «Муниципал байгуулалтын сахим паспорт» гэһэн түсэлнүүд хоëрдохи болоод гурбадахи шангуудта хүртэһэн байна.
Имагтал, «ПРОФ-IT» урилдаан сахим түхэлэй түсэлнүүдтэ Ородой Холбоото уласай нютаг можонуудта олоной анхарал хандуулха зорилготойгоор жэл бүри үнгэргэгдэжэ байдаг. Тэндэ гүрэн түрын, уласай, муниципалиин хэргэмтэй дээдэ шатын мэргэжэлтэд дүй дүршэлөө хубаалдажа байха жэшээтэй. «ПРОФ-IT.2018» гээшые Ородой Холбооной юрэнхылэгшын захиргаанай дэмжэлгээр Гүрэн түрын сахим мэргэжэлэй түб гэһэн эмхи үүсхэн ударидан ябуулна.
