Арадай Хуралай түрүүшын хуралдаан эмхидхэлэй жэшээтэй. Тэндэ Арадай Хуралай түрүүлэгшэ, тэрэнэй хоëр орлогшонор, Хороонуудай түрүүлэгшэнэр болоод орлогшонор, мүн ажалай зургаанууд – комисси болон секретариат гэгшэд тодорхойлогдохо.
Спикерай тушаалда урда зарлалда дид-спикер байһан «Единая Россия» намай секретарь Владимир Павлов спикерээр томилогдохо гээд хүлеэгдэнэ. Тэрээнһээ гадна һунгамалнууд Федерациин Зүблэлдэ Буряад Уласай Арадай Хуралай түлөөлэгшын нэрэ мүн лэ элирхэ. Түрүүшын хуралдаан дээрэ нам партинуудай фракцинууд бүридхэгдэхэ жэшээтэй.
Арадай Хуралай түрүүшын суглаанда бэлдэлгые эрхилхэ комиссида дүрбэн партнһаа дэбжүүлэгдэн һунгагдаһан депутадууд оролсобо гэбэл, «Единая Россия» намһаа Владимир Павлов, «КПРФ»-һээ Виктор Малышенко, ЛДПР-һээ Сергей Дорош, мүн «Справедливая Россия» партиһаа Иринчей Матханов гэгшэд. Энээн тухай захиралда V дугаар зарлалай Арадай Хуралай Түрүүлэгшэ Цырен-Даши Доржиев гар табиһан байна.
Арадай Хуралай Ажалай Гуримай 175-дахи хүсэнэгэй ëһоор, туд комисси Арадай Хуралай тогтоолнуудай болоод бусадшье дансануудай түсэлнүүдые бэлдэжэ байхаар уялгалагдана.
