Буряад Уласай Арадай Хуралда ээлжээтэ хуралдаанда бэлдэлгэ түлэг дундаа. Зүбшэлгэдэ табигдаха асуудалнуудай тоодо наһанайнгаа амаралтада гараһан зоной ажамидаралгын 2019 оной сэн уридшалан табигданхай.
2018 ондо тэрэ хэмжээн Буряад уласта Ородой Холбоондол зэргэ 8726 түхэриг бүридүүлжэ байгаа. Энэ удаа тэрэниие нэгэ бага дээшэлүүлхэ һанаан бии, 8950 түхэриг хүрэтэр. Энэ хэмжээн юунһээ абтааб гэбэл, эдеэ хоолой сэн һаянай бодоо, 2018 ондо «эдэй шээзэгэй (корзина)» 8250 түхэригтэ эгсэ шахаа.
Тэрээн зуур, 2019 ондо сэнгэй үндыхэнь баһал хараад абтаба. Хойто жэлдэ эдеэ хоолой сэн үндыжэ, 104,9 процент бүридүүлхэ гээд багсаамжалагдана. Юрэнхы дээрээ, ажамидаралгын доодо сэн эдэй сэнһээ нэгэ хэдыхэншье баримтаануудаар уридшалжа байха жэшээтэй бшуу, тиигээдшье, 2019 ондо инфляци гээшэ дахяад һүжэржэ магад, үнөөхи баруун гүрэнүүдэй соносхоһон санкци хорюултануудһаа тэрэ дулдыдана гээд ойлгосотой. Эдэ мэтые бодоходо, Буряад Уласта пенсионер хүнэй ажамидаралгын сэнгэй 2019 ондо ургахые хараада абангүй аргагүй. 2018 онойхитой сасуулхада, пенсионернүүдэй «эдэй шээзгэй» 108,5 % - оор дээшэлхэ гээд хүлеэгдэнэ.
Бүхы баримтануудые хараадаа абажа бодоходо, Буряад Уласта наһанайнгаа амаралтада гарагшадай ажамидаралгын бага зэргын сэн 2019 ондо 8950 түхэриг бүридүүлхэ байна. Энэ Ородой Холбоонтой зэргэтэйл байхаар хараалагдана.
