Буряад Уласай табадахи зарлалай Арадай Хурал 2013 оной сентябрьһаа 2018 оной июль болотор хүдэлхэ соогоо 30 ээлжээтэ болон 11 ээлжээтэй бэшэ хуралдаа үнгэргөө, тиин 809 хуули ëһо баталан абаһан байна. Тэдэнэй шэнээр зохëогдоһон – 85, мүн элдэб заһалта хубилалтануудые оруулхые хараалһан 710 хуули болоно.
Жэшээлбэл, Гүрэн түрын байгууламжын, нютагай өөрын хүтэлбэриин, хуул ëһо сахилгын болон гүрэнэй албанай асуудалнуудай талаар хороон дүн хамта 231 хуули үзэмжэдэ бэлдэн оруулаа, Уладай байдал хангалгын түрын талаар хороон – 156, Эдэй засагай, байгаалин нөөсэ баялиг ашаглалгын болон оршон тойронхи ариг сэбэрые хамгаалгын хороон – 151, Һангай, татабариин болон мүнгэнэй талаар хороон – 108, Газар асуудалнуудай, хүдөө ажахын түрын болон эд хэрэглэмжын дэлгүүрэй талаар хороон – 84, Уласхоорондын холбооной, үндэһэ яһатанай асуудалнуудай, залуушуулай түрын, ниитын болон шажан мүргэлэй нэгэдэлнүүдэй талаар хороон – 79 хуули бэлдэбэ.
Буряад Уласай Толгойлогшын зүгһөө 208 түсэл, Арадай Хуралай депутадуудай нэрэһээ - 449, нютагай өөрын хүтэлбэринүүдэй түлөөлгэтэ зургаануудһаа – 19, Буряад Уласай Прокуратурын үмэнэһөө – 17, Буряад Уласай Дээдын Шүүхэһээ – 1 хуулиин түсэл дурадхагдажа, үзэгдэһэн байна.
