Арадай Хуралай дэргэдэхи Нютагай өөрын хүтэлбэринүүдэй түлөөлгэтэ зургаануудай зүблэлэй июниин 12-13-да Кабанскын аймагта зарлагдаһан суглаанай оршондо һунгамалнууд Байгалай дархан газарай дэбисхэр дээрэ бог хаядаһа суглуулан арлигаха талаар габшагай үйлэ хэрэг үүсхэһэн байна.
Энхэлэгтэ орходоо эндэхи эрье яһала сэбэр. Ажал энэ талаар ябуулагдана ха гэжэ обëрхоор. Энэшье удаа гол түлэб Байгалай долгëор хаягдаһан бог суглуулаабди, - гээд Гүрэнэй байгууламжын, нютагай өөрын хүьэлбэриин, хуули ëһын болон гүрэнэй албанай талаар хорооной түрүүлэгшэ Борис Ботоев хөөрэнэ.
Депутадуудай суглуулһан бог шүүгдэн шэлэгдэжэ, саашаа болбосоруулагдахаяа эльгээгдээ.
Намартаа Арадай Хуралай Эдэй түрын, байгаалиин нөөсэнүүдэй болон оршон тойронхиие хамгаалгын талаар хорооной депутадууд Танхой тосхондохи Байгалай байгаалиин био-оршонгой дархан газарта хүрөө бэлэй. Тиихэдээ тэдэ танилсалгын хэмжээ ябуулгануудта һайса хабаадалсаа һэн. «Нангин Байгал», «Байгал дээрэхи хүн», түүхэ-соëлой «Байгал паромоор гаталалга» гэһэн үзэсхэлэн, Алексей Безруковай фото-үзэсхэлэн, байгаалиин музей гэхэ мэтые эрьен, «Хуша модоной аллея» гэһэн ариг сэбэрэй зүргын байра байдал сэгнэжэ танилсаа һэн. Гэхэ зуураа, эрье дээрэ хасуури, хуша модонуудые һуулгаа бэлэй.
