“Байгал” гэһэн вузууд хоорондын кампус 5 вуз нэгэдүүлхэ гэжэ июниин 27-ной четвергын үдэртэ Арадай Хуралай үмэнэ 2023 оной ажалай тоосоо бариха соогоо Буряад Уласай толгойлогшо хэлээ. “Байгал” гэһэн вузууд хоорондын дэлхэйн хэмжээнэй кампус байгуулха түсэл бэелүүлхэ талаар уласай засагай газарай ажал проект-сметын бэшэг баримта бэлдэхэ шатадаа гараа гэжэ тэрэ дуулгаа.
Кампуста анагааха ухаанай шэнэ дээдэ һургуули байгуулхаар хараалагдана.
- Энэ кампус 5 вузуудые нэгэдүүлхэ гээд һануулая. 19 мянган оюутад капсусай ажалда ямар нэгэ аргаар хабаатай байха болоно. Кампусай хэмжээн соо якорна үндэһэн болбосорол ябуулагдахаар хараалагдана. Эндэ анагааха ухаанай шэнэ дээдэ һургуули байха. Манай эндэ кампусай бии болохын тула Юрэнхылэгшын гурбан даабари абажа шадаһан байнабди. Гүрэнөөр иимэ кампусууд концессиин үндэһэн дээрэ баригдана: кампус барилгын 25 % гаргашань бюджедһөө гадуур байха ёһотой, тэрэнь аралжаанай ажал ябуулһанай тоосоогоор тэхэрюулэгдэхэ болоно. Зүгөөр бидэ ойлгуулжа шадаабди, Юрэнхылэгшын шиидхэбэри энэ талаар гаранхай, манай эндэ кампус бюджедэй мүнгэнэй тоосоогоор дүүрэн баригдаха юм. Аралжаанай үйлэшэлгэ хэхэ гэжэ бидэ оролдоод байха хэрэггүй болоно, бюджедһөө гадуур хүрэнгэ оруулалтын мүнгэ хүсэлдүүлхын тула оюутадһаа нэмэлтэ түлбэри абаха хэрэггүй болоно бшуу, - гэжэ Буряад Уласай толгойлогшо тэмдэглээ.
Кампус гүйсэд бюджэдэй болоно, гүрэн дотор иимэ кампусууд хоёрхон - Калининградта болон Буряад Уласта юм гэжэ тэрэ тэмдэглээ.
