Буряад Уласта буряад хэлээр хүүгэдэй дуунай шэнэ караоке бэшэгдээ. Энээхэн түсэл болболхэлэ үзэхын тула уласта дурадхагдаа һэн гэжэ һануулая гээд Восток-Телеинформ мэдээсэнэ.
- Эдэ булта дуунууд хүнүүдтэ мэдээжэ болоһон ба хүүгэд энэ дуунуудта дуратай юм. «Бүмбэгэмни» ба «Һайхан даа» гэжэ хүүгэдэй буряад дуунуудай караоке тухай энэ хэлэгдэнэ, - гэжэ Буряад Уласай Болбсоролой болон эрдэм ухаанай яаманда мэдээсэнэ.
«Бүмбэгэмни» гэжэ дуунай үгэнүүдые бэшэгшэнь Нина Ленхобоева-Артугаева, хүгжэмэйнь найруулагша Баир Батодоржиев, харин «Һайхан даа» гэжэ дуун Ширап Нимбуев болон Дандар Аюшеев хоёрой юм. Тиигэжэ энэ дуу дуулаха дуратай хүүгэд һайханаар шэмэглээтэй караокетэй болобо. Шэмэглэлыень болон анимацииень «Хун шубуун тухай домог», «7 аха дүүнэр» гэһэн мультипликационно кинонуудай зохёогшо, уран зураашан Сергей Модоров бүтээгээ.
Буряад дуунуудай хүүгэдэй караоке “2021-2030 онуудта буряад хэлэ хамгаалга болон хүгжөөлгэ” гэһэн гүрэнэй хүтэлбэри бэелүүлхэ хүреэндэ хэгдээ. Энээниие 2021 ондо Буряад Уласай Болбсоролой болон эрдэм ухаанай яаман, Буряад хэлэ хүгжөөхэ талаар уласай түб сэсэрлигэй болон бага ангиин наһанай хүүгэдтэ буряад хэлэ үзэхэ болон нэмэлтэ мэдэсэ үгэхын тула захяалга оруулһан байгаа. Дуунай караоке болбол һурасалай-хүмүүжүүлгын ябасада, мүн баһа аба эжынэр болон хүүгэдэй хамтаараа буряад хэлэ һонирхожо үзэхэдэ хэрэглэхээр дурадхагдана. Караоке дуунай эгээл түрүүшын «Табан хушуу мал» гэһэн дуун гараа һэн бэлэй – тэрэнэй зохёогшонь Нина Артугаева, Вера Шобосоева хүгжэмынь найруулһан байгаа. Тэрэ дуун 2019 ондо бүтээ һэн, эгээл түрүүшынь гүйсэдхэгшэнь ОчирмаЦыдыпова болоо һэн бэлэй.
