Холбоото Ород Уласай Засагай газар Буряад Уласта хүүгэдэй сэсэрлигүүдые барилгада нэмэлтэ мүнгэ һомолбо. Хоёр жэл соо улас шэнэ сэсэрлигүүдые барилгада, байһан сэсэрлигүүдые һэльбэн шэнэлэлгэдэ болон ехэ заһабарилгада 2,6 миллиард түхэригтэ хүртэхэ болоо. Юрэнхы сайд Михаил Мишустинзохихо захирамжада гар табяа гэжэ толгойлогшын хэблэл мэдээсэлэй албанай холбоосоор Восток-Телеинформ мэдээсэнэ.
- Үсэгэлдэр Холбоото Ород Уласай Засагай газар уласай хүүгэдэй сэсэрлигүүдые барилгада үшөө 2,6 миллиард түхэриг һомолоо. Энэнь эдир наһанһаа, яслиһаа эхилээд болбосорол зохихо шанарта хүргэхэ ба хүртэмжэтэй болгохо гэһэн бидэнэй табидаг зорилгодо хүрэхэдэ түргэдүүлхэ болоно, - гэжэ Буряад Уласай толгойлогшоАлексей Цыденов тэмдэглээ.
Мүнгэн хоёр жэлэй туршада орохо. Байгша ондо – 1,3 миллиард түхэриг, харин 2023 ондо – 1,2 миллиард түхэриг. Энэ мүнгэндэ 2023 оной эсэс болотор хүүгэдэй сэсэрлигүүдтэ һэльбэн шэнэлтэнүүд болон ехэ заһабарилганууд хэгдэхэ, мүн баһа шэнэнүүд баригдаха болоно. Тэрэнэй ашаар уласта сэсэрлигэй болбосоролой хүртэмжэ зуун процентдэ хүргэгдэхэ ёһотой.
Нэмэжэ хэлэхэдэ, һүүлэй гурбан жэл соо зүбхэн Улаан-Үдэдэ хүүгэдэй 17 сэсэрлиг нээгдээ. Үшөө хоёрынь – 2022 ондо нээгдэхэеэ байна. Сэсэрлигэй наһанай хүүгэдэй шэнэ эмхи зургаанууд уласай аймагуудта олоор баригдана.ҺаяханаАлексей Цыденов Захаамин аймагта хүүгэдэй сэсэрлигэй барилгын ябаса шалгажа ерээ һэн гэжэ һануулая.
