Улаан-Үдэдэ Уран бүтээлэй байшан «Билет в будущее» түсэлдэ оролсоно. Улаан-Үдэ хотын Октябрьска дүүрэгэй Уран бүтээлэй байшанай багшанар «Билет в будущее» гэһэн федеральна түсэлдэ оролсоно, тэрэнь РФ-гэй Юрэнхылэгшэ В.В. Путинай даабаряар Холбоото Ород Уласай 85 нютаг можонуудта бэелүүлэгдэнэ ба «Болбосорол» гэһэн үндэһэн түсэлэй “Хүүгэд бүхэнэй амжалта” гэһэн федеральна түсэлэй паспортда ороно. Тэрэ түсэл гүрэнэй тэдхэмжын тоосоогоор һомологдоно, тиимэһээ хүүгэд болон түрэлхидтэ түлбэригүй юм.
Октябриин 27-до Уран бүтээлэй байшанай уран һайханай нэгэдэлэй шэглэлэй багшанарСветлана Михайловна Павлова болон Динара Мураталиевна Иннокентьева “Хубсаһанай дизайнер” гэһэн сэдэбээр Улаан-Үдын юрэнхы болбосоролой эмхинүүдэй 9 дүгээр ангиин һурагшадтай туршалтын хэшээл үнгэргөө.
– Хүүгэд уран бүтээлэй дизайнерай онсо нюусануудтай танилсаа, дизайнерай мэргэжэл тухай мэдээ, модельер мэргэжэл тухай өөһэдын мэдэсэ дээшэлүүлээ ба дизайнай объект болохо костюм гэжэ ойлгоо. Хэшээлэй һүүлдэ хүүгэд өөһэдын ажалнуудай дүн хаража, энэ ажал хэһэнэй урмашан байжа сэдьхэлээ баясуулаа, - гэжэ Светлана Михайловна хөөрэнэ.
Ноябрь соо багшанар “Хүгжэмшэн” ба “3Д моделированиин мэргэжэлтэн”гэһэн шэнэ мэргэжэлнүүдээр һурагшадые танилсуулха, Уран бүтээлэй дүй дүршэлтэй багшанарай хүтэлбэри доро һурагшад али нэгэн мэдэсэ абаха юм.
«Билет в будущее» гэһэн федеральна түсэл һурагшадта мэргэжэлээ шэлэжэ абахадань туһа болоно. Түсэлдэ оролсогшодто тэрэ нюдөөрөө харахаһаа гадна элдэб мэргэжэлдэ өөрыгөө туршаха, мүн баһа хубяараа һуралсал гараха зууршалга абаха аргатай.
