Буряад Уласта Түнхэн аймагһаа гарбалтанай нютагай эблэл “Саяан” буряад хэлэ шудалха хэрэгтэ өөрын хубита нэмэри оруулна – нютагай эблэлэй хэһэн һуралсалай пособинууд хүүгэдэй бага наһанһаа хэлэнэй оршон бии болгоно, сэсэрлигэй наһанһаа буряад аабаахатай танилсаха, шүлэг болон дуу сээжэлдэхэдэ ехэ туһа болоно.
Түнхэн аймагай нютагай “Саяан” эблэлэй түлөөлэгшэ Саян Забановай хэлэһэнэй ёһоор, бүхы юумэн юунһээ эхилээб гэхэдэ, тэрэнэй гэр бүлэдэ хүүгэд түрэхэдэнь, тэрээндэ яажа хэлэнэй оршон байгуулхаб гэһэн асуудал гараа юм. Тэрэ үедэ һурасалай һонирхолтой материалнууд үгы байгаа.
Тэдэ пособинуудай дунда – буряад хэлэнэй сахим аабааха байна, тэндэ үзэг бүхэниинь дуу болон шүлэгүүдтэй – хүүгэнэй үзэг дээрэ дарахадань, зүб үгүүлхэ абяан дуулдана, һажаагаад дуу дуулаха аргатай, тэрэ дуунууд бэлээр толгойдоо тогтоожо абана.
– Бидэ һанаһанаа абанабди, эндэ 40 шүлэгүүд, тэдэниие хүүгэд сэжэлдэжэ абана. Хүүгэд наадаха зуура шүлэг сээжэлдээд абана, - гэжэ Забанов хөөрэнэ.
Буряад аабаха бии болгоходо Буряад Уласай Толгойлогшын захиргаанай Үндэһэ яһатанай бодолгын талаар хорооной грант туһа болоо, Буряад Уласай Үйлэдбэриин яаманай жасаһаа мүнгэ һомолоо. Ехэхэн дэмжэлгэ Буряад Уласай Болбосоролой яаман үзүүлээ – тэдэнэр һуралсалай пособинуудые худалдан абажа, уласай һургуули бүхэндэ тараана. Мүнөө тиимэ пособинуудые уласай һургуули бүхэндэ байдаг болоо.
Нютагай эблэл землячествын ажалнуудай тоодо – буряадаар яридаг хүүхэлдэйнүүд; караоке-микрофонууд, тэдэнээр буряадаар дуу дуулаха болгоно, харин мүнөө интерактивна – онлайн тренажер байгуулха түсэл дээрэ хүдэлжэ байнхай.
«2021-2030 онуудта буряад хэлэ хамгаалга ба хүгжөөлгэ» гэһэн хүтэлбэриин хүреэндэ Буряад Уласта буряад хэлэ дэмжэхэ талаар ажал ябуулагдана гэжэ хэлэхэ хэрэгтэй. Тус хүтэлбэриие Буряад Уласай Болбосоролой болон эрдэм ухаанай яаман бэлдэжэ, 2020 оной декабрь соо баталһан байгаа. Буряад Уласай Болбосоролой болон эрдэм ухаанай яаманай Буряад хэлэ хүгжөөхэ уласай түб болбол хүтэлбэри бэелүүлэгшэдэй нэгэн болодог юм.
