Буряад Уласта2023 ондоһүүлэй гурбан жэлдээмшэдээ рхангахаажалдээшэлээ. 10 мянган хүндэ 34,5 болоо, энэнь 2022 онһоо (10 мянган хүндэ 33,2 ) дээшээ. Тиихэдэ дунда шатын эмшэ ажалшадаар хангалта баһал дээшэлээ, 2023 ондо 10 мянган хүндэ 84,5 болоо (2022 ондо энэ тоо 10 мянган хүндэ 83,9 байгаа һэн).
Энээн тухай Арадай Хуралай урда тээ тоосоондо уласай толгойлогшо Алексей Цыденов үнгэрһэн жэлэйнгээ ажал ябуулга тухайгаа хөөрэжэ үгөө. Элүүрые хамгаалгын байгуулгые ажалшадаар хангаха талаар ябуулагдажа байһан арга хэмжээнүүдэй үрэ дүн болоо гэжэ тэрэ тэмдэглээ.
2023 ондо гүрэнэй анагааха ухаанай ехэ һургуулинуудта тусхай зорилгото һууринуудта Буряад Уласһаа специалитедэй хүтэлбэреэр һуралсалда 279 абитуриент ороо. Энэнь 2022 онтой сасуулхада, дээшээ болоно, харин 2019 онтой сасуулбал, хоёр дахин шахуу ехэ (146 абитуриент). Ординатурын хүтэлбэреэр һуралсалда 88 хүн ороо, 2022 ондо – 81 хүн байгаа. Мүнөө дээрээ Буряад Уласһаа тусхай зорилгото хэлсээнэй ёһоор, вузуудта 900 гаран оюутад болон 164 ординатор һурана. 2023 ондо уласай ангааха ухаанай колледжануудта тусхай зорилгото бюджедэй һууринууд 225-аар нэмэжэ, 495 һууритай болоо.
“Земскэ доктор”, “Земскэ фельдшер» гэһэн федеральна хүтэлбэринүүдээр уласай аймагуудта 82 эмшэд болон 26 фельдшер ажалда ороо. Хүтэлбэри бэелүүлжэ байһан зургаан жэл соо уласай аймагуудта 469 эмшэд болон 158 фельдшер эльгээгдээ.
