В.В.Ангаповай нэрэмжэтэ түргэн аргын туһаламжын уласай клиническэ больницын ажалшадай бүлэг Арадай Хуралай Бюджедэй, налогай ба мүнгэн hангай талаар хорооной hунгамалнуудта 155 мянган түхэриг мүнгэнэй тэдхэмжын түлөө өөрынгөө Instagram хуудаhан дээрэ баяраа хүргэбэ.
Пневмони ба COVID-19 үбшэнэй шэнжэтэй үбшэнтэнөөр хүдэлhэн халаанай эмшэдые ба медсестрануудые энэ мүнгэндэ халуун эдеэ хоолоор хангалга эмхидхэгдээ,- гэжэ Восток-Телеинформ Засагай газарай хэблэлэй албанhаа бэшэнэ.
«Мүнөө халдаhан зоной олон боложо байха үедэ ба эмшэдэй дуталдаhан сагта бүхы эмшэлгын эмхинүүдэй шухала зорилго хадаа, эмшэдэйнгээ аюулгүй ажаябуулга эмхидхэлгэ, бүхы эрилтэнүүдые дүүргэлгэ болоно. Мүнөө юрын бэшэ, хүндэ сагта ямаршье тэдхэмжэ ехэ сэнтэй ба хэрэгтэй, - гэжэ эмшэд Instagram соо бэшэнэ. – Бидэ үнэн зүрхэнhөө Арадай Хуралай Бюджедэй, налогай ба мүнгэн hангай талаар хорооной бүхы гэшүүдтэ баяраа хүргэнэбди. Хүн бүхэнэй харюусалгата ябадал ба hайн hанаан энэ дэлхэйемнай короновирусай инфекциин пандемиhаа абарха гэжэ этигэнэбди».
Арадай Хуралай hунгамалнууд короновирустай тэмсэhэн эмшэдтэ туhаламжа хүргэhөөр зандаа. Гүрэнэй байгуулалтын, нютагай өөhэдын хүтэлбэриин, хуули ёhоной ба гүрэнэй албанай асуудалнуудай талаар хорооной түрүүлэгшын орлогшо, Арадай Хуралда «Единая Россия» партиин фракциин хүтэлбэрилэгшэ Лариса Крутиян Улаан-Yдэ хотын Соведэй hунгамал Анатолий Сахновтай хамта короновирус үбшэн элирүүлгын ажал ябуулдаг эмшэдтэ зөөлэн комплектнүүдые абажа үгөө.
