Гриппэй ба короновирусай инфекциин вируснүүд хүнүүдтэ элдэб хүндэ амисхаланай үбшэн хүргэдэг гээшэ. Yбшэнэй шэнжэ хаhын гриппэй шэнжэтэй адли. Yбшэнэй хүндөөр гү, али хүнгөөр үнгэргэлгэ хүнэй бэеын байдалhаа, наhанhаа дулдына. Энэ үбшэндэ наhажаал зон, хээлитэй эхэнэрнүүд, бага наhанай үхибүүд, ужаг үбшэнтэн (астма, диабет, зүрхэнэй, шуhанай сохисын үбшэн), ба hула иммунитедтэй зон дайрагдана. Роспотребхиналтаhаа Восток-Телеинформ гриппэй ба короновирусай инфекциин вируснүүдhээ бэеэ hэргээлгын дүримүүдтэй танилсуулна.
- Гараа угааха, химиин бодос хэрэглэн, гэр бараагаа сэбэрлэхэ. Гараа сэбэр байлгаха – энэ грипп болон короновирус үбшэнhөө hэргээлгын шухала хэмжээ. Мылээр гараа угаахада вирус hаладаг. Иимэ аргагүй байгаа hаа, спирттэй, антисептигтэй аршуул хэрэглэхэ хэрэгтэй. Нэгэ хэды саг болоод лэ, үүдэнэй барюулнуудые, шэрээ, hуудалнуудаа, гаджедуудаа антисептигээр аршаха, сэбэрлэхэ хэрэгтэй. Ама хамараа, нюдөө гараараа дайрахагүй гэжэ оролдохо.
Энэ үбшэн агаараар хүнэй ханяаха, найтаахада элүүр хүндэ hүжэрнэ, тиимэhээ 1 метрhээ бага бэшэ зай баримталха хэрэгтэй. Ханяаха, найтахадаа, хамар амаа бүтүүлхэ, хэрэглэhэн салфеткаяа хаяха хэрэгтэй.
Олоной сугларhан газараар ябангүй, хэрэггүйгөөр иишэ тиишээ ошонгүй, гэртээ байжа, үбшэндэ дайрагдаха аюулhаа бэеэ аршалха шухала. Элүүр байдал сахиха хэрэгтэй. Унтажа садаха, hайн шанартай эдеэ эдихэ, витаминуудаар , белогуудаар баян хоолоор хооллохо, бэеэ hорихо хэрэгтэй.
