Буряад Уласай гүрэнэй ахалагша санитарна врач Сергей Степанович Ханхареев COVID-19 үбшэндэ хабаатай шэнэ СанПин-ай шухала дүримүүдые тодорхойлжо үгэбэ. Оросой Холбоото Уласай гүрэнэй ахалагша санитарна врач Попова Анна СП 3.1.3597-20 «Профилактика новой коронавирусной инфекции (COVID-19)» гэhэн санитарна эпидемиологическэ дүримүүдые баталба гэжэ тэрэ тэмдэглэбэ. Энэ дүрим эпидемитэй тэмсэлгын, ариг сэбэрые сахиха дезифекциин хэмжээ ябуулгануудые, лабораторна диагностикын болон халдабариин ушар тэмдэглэжэ абалгын нормо тодорхойлно, тиигээд 2021 оной январиин 1 болотор баримталагдаха.
Үшөө энэ шэнэ дүрим соо үбшэнтэнэй ба үбдэжэ бараг болоhон зоной бэыен байдалай тоо баримта бүридэлдэ абалга, зоной ариг сэбэрэй хүмүүжүүлгэ хараалагдана, гэжэ Восток-Телеинформ Буряад Уласай Роспотребхиналтын Управлениhаа дуулгана.
Халдабарита үбшэнэй hүжэрхэгүйн түлөө хэмжээ ябулганууд соо зоной ариг сэбэрые сахилга - гараа угааха, хамар амаа халхалха баг, антисептигүүдые хэрэглэхэ ба олоной газарта 1,5-2 метр зай баримталха гэжэ заабарилагдана.
Эмхинүүд заатагүй бүхы ажалай байрануудтаа ариг сэбэрые сахилгын хэмжээ ябуулгануудые үнгэргэхэ, агаараа сэбэрлэхэ, үбшэнэй хорхойнуудые сараха, үбшэн усадхаха зүйлнүүдэй нөөсэ бэлдэхэ ёhотой.
Шэнэ дүримөөр, ондоо можонуудhаа ерэhэн эрхэтэд заатагүй 14 хоногой туршада бэеэ зонhоо амяаран абажа гэртээ, үгы hаа, обсерваторто орожо байха гурим үлэбэ.
Санитарна дүрим соо бэшэгдэhэн эрилтэнүүдые дүүрэн бүтээхэ хэрэгтэй,- гэжэ Ханхареев хэрэг үүсхэгшэдэй, арад зоной анхарал хандуулба.
