Вертоледой талмай улас түрын Семашкын нэрэмжэтэ клиникын больницада баригдаха болоо. Энээн тухай заһабари уласай мүнгэн һанда Арадай Хуралай апрелиин 27-до үнгэрһэн хуралдаан дээрэ оруулагдаба. Дүн хамта 8,9 сая түхэриг гаргашалагдаха.
Хүдөө аймагуудһаа үбшэнтэниие зөөхэ агаарай тээбэришье абтаха гээд парламентын түрүүлэгшын орлогшо Владимир Павлов мэдээсэнэ. Гадна үшөө 11 сая мүнгэн санитар бригадануудые хүсэдхэхэ хэрэгтэ дамжуулагдаха. Юрэнхыдөө, санавиацида гэжэ гүрэн түрын һанһаа 200-аад сая түхэриг һомологдохо юм, тэрэ тоодо Буряад уласшье мүнгэ абаха жэшээтэй.
