“Экологи” гэһэн гүрэнэй үндэһэн түсэлэй “Ой модо хамгаалга” гэһэн федеральна түсэл бэелүүлхэ хүреэндэ Үбэр Байгалай ой модо хамгаалха авиациин базын ажалшадай хэрэглэмжэдэ хоёр автомашина ерээ гэжэ Үбэр Байгалай ой модо хамгаалха авиациин базын хэблэлэй албан мэдээсэнэ.
Эдэ автомашинанууд Хойто-Байгалай аймагай Ангоянай болон Хойто-Байгалай мехлесхоздо үгтэжэ, түймэр унтарааха тоног түхеэрэмжэ, уһатай мүнэһэ болон хоол унда хүрэхэдэ холо газарнуудта байһан түймэр унтараагшадта абашахада хэрэглэгдэхэ. Хүсэтэй мотор болон хүдэлгүүр найдамтай, шабартай газараар һайн жүдхэхэ шадалтай машинанууд гэжэ ажалшадай магтаалда энэ машинанууд хүртэнэ.
- Урид иимэ техникэ бидэндэ байгаагүй, манай эндэ ой хүбшөөр ябаха машина тон хэрэгтэй байна. Эдэ машинанууд УАЗ-һаа ехэ ашаа ашаха аргатай, тиимэһээ түймэр унтарааха газарта олон хүниие, түхеэрэмжэ хүргэжэ үгэхэ аргатай болонобди, - гэжэ Ангоянай лесхозой даргаВиктор Шарпов хөөрэнэ.
Тиихэдэ эдэ машинанууд аймагууд хоорондо ябаха аргатай – уласай ондоо аймагуудта түймэр унтараалгада хабаадуулагдажа болоно.
