Буряад Уласай Толгойлогшо Алексей Цыденов асфальтын нүүдэл заводой — уласай хойто зүгтэ оршодог «Буряадай харгынууд» гэһэн гүрэнэй бюджедэй эмхиин хоёрдохи үйлэдбэриин объект нээлгэдэ хабаадаба.
Энэ комплекс часай туршада 90 тонно хүрэтэр асфальтобетон холисо үйлэдбэрилхэ аргатай. Энэнь харгын объектнүүдые үндэр шанартай материалнуудаар хангажа, харгы заһабарилга болон барилга, газарай шэмэглэл, тротуар табиха асуудалнуудые шиидхэхэ хэрэгтэ туһалха.
Алексей Цыденовэй тэмдэглэһээр, манай өөһэдын үйлэдбэри республикын хойто зүгые подрядчигуудһаа дулдыдангүй, асфальтобетон холисо болон битум эмульсиин ашаар хангаха арга олгоно: «Мүнөө энэ заводой нээгдэхэдэ, асфальтобетон холисо хангалгын асуудалнай шиидхэгдээ». Тиин Северобайкальск хотые хүгжөөхэ талаар Ородой Холбоото Уласай Юрэнхылэгшын баталһан генеральна түсэбэй ёһоор, юрэнхыдөө Северобайкальскын тойрогой хүгжэлтын хэмжээндэ энэ заводой асфальт хангалгын ажал тон шухала боложо байна».
Муйскын аймагта урид асфальтобетон үйлэдбэрилдэг завод нээгдээ һэн. Хойто тойрог, хүртээмжэгүй, асфальт үйлэдбэрилгын байгууламжануудай дуталдаһанһаа боложо, подрядчигуудта орохо эрхэгүй байһан, мүнөө харгы заһабарилгын хэрэгсэлнүүдэй шиидхэбэритэй болоо. «Буряадай харгынууд» гэһэн гүрэнэй эмхиин дэргэдэ һуурижаһан шэнэ завод час соо 100 тонно хүрэтэр бүхы түхэлэй асфальтобетон холисо, битумэй эмульси гаргажа шадаха юм. Шэнэ заводой асфальт Таксимо тосхондо харгы заһабарилгада хэрэглэгдэжэ эхилэнхэй.
