Буряад Улас самозанятын тоогоор Орос Уласта табадихи һуури эзэлнэ. Уласта самозанятын бүридхэлдэ абалга дүрбэн жэлэй саана эхилээ һэн, тиигэжэ мүнөө дээрээ 33 мянган хүн иимэ зэргэтэй болонхой байна. Тэдэнэй олонхинь үйлшэлгын һалбарида хүдэлнэ. Орос уласай Юрэнхылэгшэ Владимир Путинай үүсхэл гаргаһан “Жэжэ болон дунда олзын хэрэг эрхилэлгэ” гэһэн үндэһэн түсэлэй хүреэндэ самозанятануудта 50 мянгаһаа 1 сая хүрэтэрхүнгэлэлтэтэй зээли болон микро зээли гүрэнэй дэмжэлтэ болгон үгтэнэ, энэ зээли Буряад Уласай Лаб найдуулгын сангай харюусалга доро үгтэнэ.
- “Мой бизнес” гэһэн түбтэ самозанятанууд зүбшэл заабари түлбэригүй абаха болон һургалта гараха аргатай, мүн баһа логотип болон фирмын стиль зохёолгохо талаар үйлшэлгэ абаха, оффлайн и онлайн аргаар товар болон үйлшэлгэ урагшалуулха, маркетплейстэ үрэ бүтээгдэхүүнээ табиха аргатай, - гэжэ үйлэдбэриин, худалдаанай болон хүрэнгэ оруулалтын сайд Виктор Винокурцев хэлэнэ.
Улаан-Үдэ хотын олон хүүгэдтэй эхэ Наталья Батахаева самозанята болоод, талха шэхэрэй үйлэдбэри нээгээ.
- Мүнөө бизнес нээгээд хүдэлхэдэ амархан болоо, арбан жэлэй саана хүндэ байгаа, мүнөө элдэб дэмжэлтэ абажа болоно. “Мой бизнес” түбтэй ехэ харилсанабди. Олон туһа абааб. Һургалта гарааб, товарна тэмдэг бүридхэлдэ абалгада Роспатент руу мэдүүлгэ бэлдэлсэжэ үгөө юм, - гэжэ Наталья Батахаева хөөрэнэ.
