Майн 30-да Буряад Уласта “Эсэгэ ороноо хамгаалагшад” гэһэн сэрэгэй тусхай ябуулгада оролсогшодые дэмжэлгын гүрэнэй сангай һалбари нээгдээ. Тиин, Ород гүрэнэй юрэнхылэгшын зарлигаар байгуулагдаһан СВО-до оролсогшодые дэмжэлгын гүрэнэй сангай һалбаринууд Алас Дурнын нютаг можонуудта нэн түрүүн нээгдэбэ гэжэ Буряад Уласай хэблэл мэдээсэлэй албан дуулгана.
- Энэ сан июниин 1-һээ ветерануудые хүлеэн абажа эхилхэ. Залан хүтэлэгшэд шэлэгдээ. Залан хүтэлэгшэд һургалта гараа. Сангай зорилгонууд болбол сэрэгэй тусхай ябуулгаһаа бусаһан сэрэгшэдтэ туһа хүргэлгэ, наһа барагшадай гэр бүлэнүүдтэ туһа хүргэлгэ болоно. Хэрэгтэй болоо гээшэ һаань, эмшэлхэ талаар бүхы арга хэмжээнүүд абтаха, шэнэ мэргэжэлдэ һургаха, ажалда оруулха, - гэжэ ДФО-до ХОУ-гай юрэнхылэгшын бүрин эрхэтэ түлөөлэлгшэ Юрий Трутнев тэмдэглээ.
Сангай гол зорилгонууд СВО-гой ветерануудые болон наһан болоһон баатарануудай гэр бүлэнүүдые харгалзатай холбоотой ажал болоно. “Мүнөө дээрээ 39 хүн шэлэгдээ, тэдэнэр тусхай һургуули гараа, эндэ саг үргэлжэ хүдэлнэ. Зүгөөр хамагай шухалань болбол энэ сан байхаһаа гадна бидэ хамтадаа байнабди, бидэ булта нэгэ ниигэм болонобди. “Эсээ сусаа” гэжэ үгэнүүдые дуулаха ёһогүйбди, мүнөөдэр, үглөөдэр, нүгөөдэр ямар туһа хэрэгтэй байнам, тэрэ туһа гүйсэд хүргэгдэхэ. Манай хүбүүд түргэн илата туйлажа бусахыень би хүсэнэб! Харин бидэ эндээ юрэнхылэгшын хиналта доро туһа хүргэлтэ гйүсэд хэхэ болонобди”, - гэжэ Буряад Уласай ТолгойлогшоАлексей Цыденов тэмдэглээ.
Тус һалбариин ажалтай сэрэгэй байладаанай ветеранууд болон уласта эмшэлгэ гаража ба гэртээ амаралта абаад ерэһэн сэрэгтэ ябажа байһан сэрэгшэд танилсажа үрдиһэн байна.
