Холбоото Ород Уласай Юрэнхы сайдай орлогшо – ДФО-до ХОУ-гай юрэнхылэгшын бүрин эрхэтэ түлөөлэгшэ Юрий Трутневай хүтэлбэри доро үнгэрһэн тойрогой зүблэлэй зүблөөндэ VIII Дорно дахинайэдэй засагай хуралдаа үнгэргэлгэ зүбшэн хэлсэгдээ. Буряад Уласай Толгойлогшо Алексей Цыденовтус зүблөөндэ оролсоо гэжэ Буряад Уласай Засагай газарһаа һабагшалан Восток-Телеинформ мэдээсэнэ.
- Энэ жэл “Хамтаран ажаллаха, эб найрамдал болон мандаха зам тээшээ” гэһэн уряа доро хуралдаан үнгэрхөөр болоо. Алас Дурнада энэ ехэ шухала тэмдэгтэй, тиимэһээ мүнөөнһөө эхилхэ хэрэгтэй. Заншалта ёһоороо, Дорно дахинай эдэй засагай хурлдаан Алас Дурнын болон манай бүхэ гүрэнэй хүгжэлтын шухала асуудалнуудта харюусахын тула бүхы хүсэ шадалаа элсүүлхэ болонобди. Тиимэ асуудалнууд олон юм. Һүүлэй жэлнүүдтэ логистика, тээбэриин урасхал ехээр хубилаа, уласхоорондын хамтаран ажаллаха байгуулга һэлгээ.Анхараа хандуулха олон асуудалнууд бии, жэшээнь – түлбэри хэхэ байгуулга хүгжөөлгэ юм, - гэжэ Юрий Трутнев тэмдэглээ.
Буряад Уласай Толгойлогшо Алексей Цыденовэй хэлэһээр, ВЭФ-эй үрэ дүнгынь болбол бодито дүнгүүд болохо ёһотой.
- Дорно дахинай эдэй засагай хуралдаанай дараа жэл бүри манда ямар нэгэ юумэн болодог, юумэн һэлгэнэ, шэнэ хүнүүд, эмхинүүд, предприятинууд ерэнэ, шэнэ бизнес-харилсаанууд бии болоно. Хуралдаанай зорилгонууд иимэ болоно. Энэ жэл бидэ мүн лэ энэ хуралдаанһаа гадна тэрэнэй үргэлжэлэл болохынь хүсэнэбди – эдэй засагай харилсаан бата бэхи болог, шэнэ түсэлнүүд түрэг лэ, - гэжэ уласай толгойлогшо тэмдэглээ.
