«Ермак» үйлэдбэриин бүлэг компанинууд бетоной шэнэ завод ашаглалда оруулба: зуурмагай машинанууд, транспортер болон ашадаг бункерабтаа. Үйлэдбэриин хүсэн шадалые дээшэлүүлгэ болбол барилгын үнэ сэнгүүдые бууруулха болоно.
Барилгын эмхинүүдэй болон хүн зоной хэрэглэмжэдэ товарна элдэб түрэлэй маркын бетон үйлэдбэрилгэ болон худалдаа хэдэг компани иимэ үйлшэлгэ хэдэг гэбэл: бетон хүргэжэ үгэлгэ болон бетон шахадаг насосой үйлшэлгэ. Тиихэдэ тус предприяти профлист болон металлочерепицэ хэдэг болохын тула шэнэ тоног түхеэрэмжэ худалдан абаа. Тээмэндэ, августын 31-дэ Буряад Уласай Толгойлогшо Алексей Цыденов энэ предприятида хүрэжэ ошоһон байна.
- Манай уласта энэ болбол шэнэ боломжо, шэнэ үйлэдбэри. Иимэ үйлэдбэри уласай талаһаа дэмжэгдэһэн байна, Промышленность хүгжөөхэ талаар уласай сан хэдэн шэглэлээр хүнгэлэлтэтэй зээли үгэһэн байха юм. Юрэнхы хэмжээниинь – 40 сая, эндэ гансата профлист бэшэ, харин бетон зуурмаг хэдэг байгуулга абтаа. Энэнь тоног түхеэрэмжэ абахадань, тэрэнээ асараад, хабсарха, тиигэжэ мүнөө дээрээ үйлэдбэри байгуулжа, бэлэн үрэ бүтээл үгэжэ эхилхэдэнь туһа болоо. Энэ бүгэдэ болбол барилгын манай эмхинүүдые хангахын тула, үнэ сэн доошолуулна, ондоо нютаг можонуудһаа асарха хэрэггүй болоно, харин эндээ болохоор үнэ сэнгээр абажа байхада ашагтай, - гэжэ толгойлогшо хэлээ.
Тиихэдэ Алексей Цыденов«Опти Макс» гэжэ барилгын смесь гаргадаг үйлэдбэритэй танилсаа, тэндэ 14 түрэлэй үрэ бүтээл гаргана. Тус предприятида үйлэдбэри баһал ехэ болоо. Хүнгэлэлтэтэй зээлиин тоосоогоор, тэрэниие уласай талаһаа дэмжэхэ арга хэмжээнэй шугамаар үзүүлэгдэһэн байна. Тэндэ нэмэлтэ тоног түхеэрэмжэ абтаа, тиигэжэ барилгын смесь гаргалга хоёр дахин ехэ болгоходонь туһа болоо.
