Улаан-Үдэ хотодо«Ая ганга» түб буряад хэлэ шудалха дуратайшуулые урина
Юрэнхылэгшын соёлой үүсхэлнүүдэй жасын дэмжэлгээр бэелүүлэгдэдэг «Ая ганга» гэһэн гэр бүлын буряадаар харилсаанай түб Улаан-Үдэ хотодо Хүүгэдэй номой санда буряад хэлэ үзэхэ бүлэгүүдые абажа байна.Юрэнхылэгшын соёлой үүсхэлнүүдэй жасын дэмжэлгээр бэелүүлэгдэдэг «Ая ганга» гэһэн гэр бүлын буряадаар харилсаанай түб Улаан-Үдэ хотодо Хүүгэдэй номой санда буряад хэлэ үзэхэ бүлэгүүдые абажа байна.
- Манай зорилго – буряад хэлэ шудалха ба үндэһэн соёл сахиха эрхэ байдал тогтоолго, ургажа ябаа үетэниие, хүүгэдтэй гэр бүлэнүүдые тэрээндэ хабаадуулга. Буряад хэлэ ойлгожо һургаха, абаһан дадалаа харилсаанда хэрэглэжэ шадаха болгохо хүсэлтэйбди, - гэжэ түбэйхид тэмдэглээ.
Түбтэ ганса хүүгэдые бэшэ, харин гол түлэб түрэлхидыень – бага наһандаа элдэб шалтагаанаар буряад хэлэтэй болоогүй, мүнсаашадаашье түрэл хэлэгүй үетэн зандаа үлэхэ аюултай томошуулые хүлеэнэ.
- Энэ хадаа тон гоё, эгээл аялга һайхан хэлэнүүдэй нэгэн болохо буряад хэлэ шудалха замда түрүүшын алхам хэхэ арга боломжо гээшэ. Түрэл хэлэеэ үзэхэ дуратай бүхы зониие уринабди, - гэжэ түбэйхид уряалаа.
Буряад хэлэ шудалха талаар түр зуурын һуралсал һүүлэй үедэ уластамнай ехэ дэлгэрэнхэй. Шалтагаануудайнь нэгэн хадаа буряад хэлэ сахин хүгжөөхэ болон шудалалгыень дэлгэрүүлхэ талаар ажал эдэбхижүүлгэ болоно. Энэ ажалБуряадай Болбосоролой болон эрдэм ухаанай яаманай зохёон бэлдэһэн программын хэмжээндэ бэелүүлэгдэдэг. Программа гүйсэдхэгшэдэй нэгэн хадаа тус яаманай байгуулһан Буряад хэлэ хүгжөөхэ талаар Улас түрын түб юм.
Болбосоролой яаманай Буряад хэлэ хүгжөөхэ талаар Улас түрын түб «Буряад Уласта буряад хэлэ сахин хүгжөөлгэ» гэһэн гүрэнэй программын хэмжээ ябуулгануудые зохилдуулхын, буряад хэлэ зааха ба үзэхэ талаар можонууд хоорондын болон уласхоорондын суг ажал бэелүүлхын, энэ асуудалаар эрдэмэй-онол аргын ба бодото ажалай дүй дүршэлөөр андалдаа эмхидхэхын тула байгуулагдаһан юм. Мүн буряад хэлэ хамгаалха, шудалха ба хүгжөөхэ болбосоролой ниитэ нэгэн оршон байгуулха талаар буряад хэлэ хүгжөөлгын холын хараа бэелүүлхэ ажал эмхидхэхэ үүргэтэй. Түбэй түрүү шухала шэглэлнүүд гэбэл, буряад хэлэ дэлгэрүүлгэ, зэргыень дээшэлүүлгэ, шудалха һонирхол хүгжөөлгэ, зааха онол аргануудые зохёолго, наадамуудые, мүрысөөнүүдые, семинарнуудые үнгэргэлгэ болоно.
