Улаан-Yдэ хотын социальна-экономическа хүгжэлтын асуудалаар Арадай Хуралай комиссиин зүблөөн дээрэ хүн зониие зөөгшэдые дэмжэлгын арга боломжо тухай зүбшэн хэлсэбэ. Короновирус үбшэнэй hүжэрхэдэ хизаарлалгаhаа боложо олзогүй болоhон хүн зониие зөөгшэдтэ дэмжэлгэ хүргэхэ тухай асуудал hунгамалнууд шагнаба. 2020 ондо автобуснуудай парк урда жэлнүүдтэй зэргэсүүлхэдэ 20 процентоор бага болоо. Гурба дахин пассажирнуудай тоогой бага болоhон шалтагhаа март апрель hаранууд соо хүн зониие зөөгшэдэй тоо үсөөрөө.
Хүн зониие зөөгшэдые дэмжэхын түлөө апрель соо хүдэлhэн транспортда 15 мянган түхэриг, харгыда гараагүйшүүлдэ 10 мянган түхэригэй хэмжээнэй субсиди хараалагдаhан байгаа. Улаан-Yдэдэ хамта дээрээ 17,5 миллион түхэриг эблүүлэгдээ. Хотын 16-най 7 зөөгшэдтэ мүнгэн түлэгдөө. Иимэ гүрэнэй дэмжэлгын хэгдэбэшье, автобуснуудай ба маршрутна таксиин тоо үсөөрhөөр зандаа. Улаан-Yдэ хотын социальна-экономическа хүгжэлтын асуудалаар Арадай Хуралай комисси Хотын Захиргаантай хамта хүн зониие зөөгшэдтэ нэмэлтэ дэмжэлгэ хүргэхэ тухай ажал ябуулна. Энээндэ майhаа август hара хүрэтэр 10 мянган түхэригэй түлбэри, бүхыдөө 51,6 миллион түхэриг хэрэгтэй болоно.
Һунгамалнуудай үүсхэлээр субсиди түлэлгын асуудал Арадай Хуралай ээлжээтэ зүблөөн дээрэ уласай бюджедтэ хубилалта оруулха үедэ хараха гэжэ хараалагдана.
