Улаан-Үдэдэ “Своё” гэһэн фермернүүдэй бүтээгдэхүүнэй дүрбэдүгээр фестиваль үнгэрөө. 70 гаран фермернүүдсэбэр экологиин элдэб бүриин эдеэ хоолой – ногоо, бал, загаһа болон мяханай зүйлнүүдые үзүүлээ.
Хуули гаргалгын зургаанай нэрэһээ фестивальда оролсогшодые Арадай Хуралай түрүүлэгшын үүргэ саг зуура гүйсэдхэгшэ Баир Гармаев мэндэшэлээ.
- Энэ фестиваль томохонарга хэмжээн боложо, уласай эдэй засагай ургалтада, хүдөө ажахы хүгжөөлгэдэ, жэжэ болон дунда бизнесэй хүгжэлтэдэ, заха зээлидэ манай эндэхи бүтээгдэхүүн танюулха хэрэгтэ туһа болоно. Бидэнэй урда түсэбүүд табигдана – нютагай өөһэдын үйлэдбэриин бүтээгдэхүүнэй хубиие ехэ болгохо, тиигэжэ энэ хэрэгтэ манай фермернүүдтэ бага бэшэ хубитаяа оруулха үүргэ даалгагдана, - гэжэ парламентын гэшүүн тэмдэглээ.
Баир Гармаевай хэлэһэнэй ёһоор, һүүлэй жэлнүүдтэ гүрэнэй талаһаа олон шэглэлэй ажалнуудые тэдхэжэ дэмжэһэнэй ашаарфермерэй хүдэлгөөн һайн хүгжэлтэ абаа. Һү һааха болон худалдалгада, һаамхай үнеэ тэжээхэ, үүлтэртэ залуу мал худалдан абалгада, гектар дэмжэхэ гэхэ мэтэ ажалнуудта мүнгэн һомологдоно.
