Нарһата тосхоной ажаһуугша, СВО-до хабаадагша Рабжан Раднаев Ородой Холбоото Уласай Юрэнхылэгшэ Владимир Путинай үүсхэлээр «Технологическая поддержка продовольственной безопасности» гэһэн үндэһэтэнэй түсэлэй Агростартап программаар хүдөө ажахы хүгжөөхэ грантда хүртөө.
2022 оной сентябрь һарада Рабжан хахад мобилизацида татагдаһан байгаа. ДНР-эй һуурингуудые сүлөөлхэдэ, Угледар шадархи байлдаануудта хабаадалсаа.
- Тэндэ урдандаа, хаанашье үзэгдөөгүйдэл байлдаанай аха дүүнэр, түрэһэн нютагайнгаа дэмжэлгэ ямар удхатайб гэжэ мэдэрээ һэм. Гуманитарна туһаламжа: дизельнэ генераторнуудые, барилгын хэрэгсэлнүүдые, фронтдо гэрэй хэрэгсэлнүүдтэ хэрэгтэй хэрэгсэлнүүдые эльгээһэн нютагаархидтаа баярые хүргэнэб, - гэжэ ветеран хөөрэнэ.
Тоонто нютагтаа 1995 онһоо Рабжан Раднаев хубиин хүдөө ажахы эрхилдэг байгаа. Элүүр мэндээрээ демобилизациин һүүлээр ажахыгаа үргэдхэхэ гэжэ шиидэбэ. Ажахы хүгжөөхын тула 2024 ондо 5 сая түхэригэй грант шүүһэн байна. Мүнөө ажахынь 37 толгой эбэртэ бодо малтай, үшөө 13 үнеэ, хүдөө ажахын техникэ худалдан абаха түсэбтэй. Мүрысөөнэй дүнгөөр ветеран 5 сая түхэригэй грантда хүртөө. "Аймагай захиргаан намда туһалһан, зүбшэлсэһэн. Бизнес-түсэб зохёоходонь туһалһандань, мүрысөөнэй бүхы шатануудта - мэдүүлгэ оруулхаһаа эхилээд, түсэлөө хамгаалха хүрэтэр - дэмжэлгэдэ баяртай байнаб", - гэжэ Рабжан Раднаев хубаалдаба.
