Буряад Уласта Дмитрий Серебряков Буряадай үйлэдбэриин, худалдаа наймаанай болон инвестициин сайдай шэнэ орлогшо болоо. Дмитрий Серебряковые уласай үйлэдбэриин, худалдаа наймаанай болон инвестициин сайдай орлогшын тушаалда - худалдаа наймаанай хорооной түрүүлэгшын тушаалда августын 8-һаа томилхо тухай тогтоолдо Буряад Уласай толгойлогшо Алексей Цыденов гараа табиба гэжэ уласай засагай газар дуулгана.
Дмитрий Серебряков Улаан-Үдэ хотын захиргаанда ажалайнгаа намтар эхилһэн байна. Улаан-Үдэ хотын захиргаанай, Буряад Уласай засагай газарай байгуулгын таһагуудта хүдэлөө. 2012 онһоо 2024 он болотор Үйлэдбэриин, худалдаа наймаанай болон инвестициин яаманда лицензиин таһагые даагшаар ажаллаа.
2024 оной май һараһаа – Улаан-Үдэ хотын Захиргаанай Тээбэриин, эд хэрэглэлгын захатанай болон олзын хэрэг эрхилэлгын талаар хороондо олзын хэрэг эрхилэлгын болон хэрэглэгшэдэй захатанай инфраструктура хүгжөөлгын таһагые даагшаар. Ажаллаха үедөө засагай зургаануудай үнэмшэлгэнүүдээр, баярай бэшэгүүдээр, Буряад Уласай «По призыву долга и сердца» гэһэн медаляар шагнагдаа. Энээнһээ урид Буряад Уласай толгойлогшо Алексей Цыденов сайдай орлогшо – харгын объектнүүдые хүгжөөлгын хорооной түрүүлэгшэ Сергей Белоколодовые тушаалһаа сүлөөлхэ тухай уласай Засагай газарай тогтоолдо гараа табиба. Сайдай орлогшо наһанайнгаа амаралтада гараха ушарһаа августын 11-дэ тушаалаа орхино.
