Буряад Уласай толгойлогшо Алексей Цыденов засагай газарай 2024 оной ажал тухай элидхэлэй үедэ коммунальна хог хаягдалай полигонуудай барилга тухай хэлэбэ.Тэрэ июниин 24-дэ болоһон Буряадай Арадай Хуралай ээлжээтэ сесси дээрэ элидхэл табяа.
Коммунальна хог хаягдал болбосоруулха талаар үндэһэн бүтэсэ хангаха талаар ажал “Экологиин сэбэр байдал” гэһэн гүэрэнэй үндэһэн түсэлэй «Ород уласай уһан», «Сэбэр агаар», «Бүтэн экономико», «Ой модо хамгаалга» гэһэн федеральна 4 түсэлэй хэмжээндэ ажал ябуулга бэелүүлдэнэ.
- 2026-2027 онуудта «Бүрин бүтэн экономико» гэһэн түсэлэй хэмжээндэ Селенгинск болон Турунтаево тосхонуудта хог хаягдалай полигонууд баригдаха түсэбтэй. Байгша ондо тэндэ бэлэдхэлэй ажал ябуулжа эхилэнхэйбди, 2026 ондо барилга эхилхэ, 2028 ондо хог хаягдалай шэнэ хоёр талмай ашаглалда тушаагдаха түсэбтэй, - гэжэ Алексей Цыденов тэмдэглэбэ. Барилга 2 миллиардһаа дээшэ түхэригтэ тоологдоно.
Тиихэдэ Баргажан тосхондо, Ангоя тосхондо хог хаягдалай хоёр комплексно полигон бариха, тиихэдэ Кабанскын аймагай Выдрино тосхондо, Хойто-Байгалай аймагай Кичера тосхондо, Баргажан аймагай Баргужанай Адаг тосхондо болон Северобайкальск хотодо дамжуулгын станцинуудые бариха түсэб бии. Тиихэдэ Улаан-Үдэдэ хог хаядаһа болбосоруулха байгуулгын полигон бариха талаар ажал ябуулагдана.
