2024 оной “Эрхим муниципальна практика” гэһэн Бүхэроссиин мүрысөөнэй дүнгүүд согсологдоо. Түрүүшынхиеэ хоёр муниципальна байгуулалтанууд Буряадһаа илагшад болоо. Федеральна комиссиин шиидхэбэриин дүнгүүд дээрэ үндэһэлэн, «Муниципальна байгуулалтануудай ажаһуугшадтай аша үрэтэй харилсаха, дэбисхэрэй ниитын өөһэдын хүтэлбэри хүгжөөхэ ба бусад түхэлөөр нютагай өөһэдын хүтэлбэри бэелүүлгэдэ ажаһуугшадые хабаадуулха» гэһэн номинацида хүдөө һуурин “ Бүрэнголой” гэһэн Буряад Уласай Ахын аймагай хүдөө нютагуудай дунда 1-дэхи hуури абаа.
“Үндэһэтэн хоорондын энхэ тайбан ба эб найрамдал бэхижүүлгэ, муниципальна хэмжээндэ уласай бодолгын һалбарида бусад хэмжээ ябуулгануудые бэелүүлгэ” гэһэн номинацида уласай Мухар-Шэбэрэй аймагай “Шаралдайн” хүдөө һуурин хүдөө нютагуудай дунда 1-дэхи һуури эзэлээ.
Мүрысөөндэ илагшад хүдөө һууринайнгаа саашанхи хүгжэлтэдэ федеральна бюджедһээ 20 сая түхэригэй мүнгэн шан абаха гэжэ Буряадай засагай газар дуулгана.
“Эрхим муниципальна практика” гэһэн бүхэроссиин мүрысөөн жэл бүри 2017 онһоо эмхидхэгдэнэ. Байгша ондо Буряад орон табан номинациин 4-дэ 20 эрхим дүршэлнүүдые Бүхэроссиин шатада эльгээгээ. Мэдүүлгэнүүд дээрэ хүдэлхын тула Буряадай гүрэнэй университедэй Эдэй засагай болон хуулиин дээдэ һургуулиин багшанарай тусхай түсэлэй бүлэг байгуулагдаа.
