Буряад Уласай Арадай Хуралай ээлжээтэ сессидэ Буряадай татабариин хуули ёһоной хубилалтанууд оруулагдаа. Заһабаринууд байлдаанай ветерануудые транспортын татабари түлэхэһөө сүлөөлһэн байна. Мүнөөдэр улас дотор дайшалхы 18014 ветеран ажаһууна. Эдэ хадаа Афганистанда, Чечняда, Сириин Арабта дайшалхы операцинуудта хабаадагшад, тусхай сэрэгэй операцида хабаадагшад болоно гэжэ Восток-Телеинформ бэшэнэ.
Буряад Уласта зааһан шэглэлэй пассажирска унаануудай эзэд транспортын татабари түлэхэһөө сүлөөлэгдэбэ. Энэ ашаг үрэнь 150 морин хүсэн хүрэтэр хүдэлгүүртэй нэгэ машинада хабаатай.
“Байлдаанай хэмжээ ябуулгануудта хабаадагшад өөһэдөө тэдхэмжэдэ хүртэхэ аргатай, - гэжэ Михаил Степанов тэмдэглэбэ, - тэдхэмжэ нэгэ техникэдэ хабаатай. Энэ дэмжэлгын хэмжээн удаан хойшолуулагданхай ба хэрэгтэй. Хүбүүд маанадһаа машина худалдажа абадаг, өөһэдөө мүнөө сагта тусхай сэрэгэй операцида байгаа һаа, эндэ ажаһуудаг хани нүхэдынь тэрэнээ хэрэглэдэг. Нютаг можын засаг зургаануудһаа иимэ дэмжэлгэ үзүүлнэбди.
Буряад орондо 18 мянга гаран сэрэгэй ветеранууд ажаһуудаг, тэдэнэй 5 мянга шахуунь хуулиин мэдэлдэ байдаг пассажирай унаатай гэжэ тэмдэглэлтэй.
