Сэлэнгын аймагай багахан буряад тосхондо Соёлой байшан заһабарилагдаа. Орос Уласай Юрэнхылэгшэ Владимир Путинай үүсхэлээр байгуулагдаһан “Хүдөө орон нютагуудай хүгжэлтэ” гэһэн гүрэнэй хүтэлбэриин ашаар энэ хэрэг бүтэбэ. Клубай заһабарилгада федеральна, уласай болон нютагай бюджедүүдһээ 71 сая түхэриг һомологдоо гэжэ Буряад Уласай Засагай газар мэдээсэнэ.
Цайдам тосхоной соёлой байшан – хүдөө ажаһуугшадай сугларха газар ба соёлой, спортивна болон бусад ниитын арга хэмжэнүүдые үнгэргэхэ газар болоно. Тиимэһээ цайдамайхидта соёлой байшан заһабарилга үни удаан хүлеэгдэһэн болон ехэ үйлэ хэрэг болоо.
– Бидэ ехэ жаргалтай байнабди, ехэ заһабарилга дүүрээ, - гэжэ хүдөөгэй соёлой байшанай даагша Людмила Чимитова хөөрэнэ. – Урид клуб соо дулаасуулгагүй байгаа, ехэ заһабарилга үнинэйшье хэгдээгүй байгаа. Манай эндэ 200-гаад хүн ажаһууна – ехэ бэшэ тосхон. Зүгөөр бидэ өөһэд дээрэ мэдэрнэбди, манай гүрэндэ ямаршье, багаханшье һаа һуурин ямар нэгэ хүтэлбэридэ орожо, өөһэдын асуудалнуудые шиидхэхэ боломжо байна. Мүнөө манай хүдөөгэй ажаһуугшад Шэнэ жэлээ хүлеэн байна. Эндээ бидэ бултанай дуратай баяр угтахабди.
