Буряад Уласай ойн ажахынхид 2023 оной түмэрэй аюулгүйн хаһын дүн согсолоо. Ойн ажахын уласай агентствэдэ хэлэһэнэй ёһоор, энэ үе соо юрэнхы дээрээ 29 мянга гаран гектар талмайда 260 түймэр гараа гэжэ Восток-Телеинформ мэдээсэнэ.
2022 оной хаһатай сасуулхада, тоонь 22,4% гэхэ гү, али 75 түймэр гаралтаар бураа гэжэ тэмдэглэхэ хэрэгтэй. Яруунын аймагай газар дэбисхэртэ түрүүшын ойн түймэр мартын 20-до гараа, һүүлшын түймэр болбол Байгал шадарай аймагай газар дэбисхэртэ окятбриин 17-до гараһан байха юм. Энэ жэл ойн спецназай хүсэн ондоо нютаг можонуудта туһа боложо эльгээгдэһэн байгаа.
- Энэ жэл уласай дэбисхэртэ түймэрэй аюулай үндэр байһан байгаашье һаань, ондоо нютаг можонуудай түймэр сарагшадта туһа хүргөөбди. “Үбэр Байгалай ой модоной ниидэлгын хамгаалалтын база” гэһэн БУ-ай АУ-га 210 мэргэжэлтэд Свердловско, Магадан можонууд, Ханты-Мансийн автономно тойрог, Хабаровскын хизаар, Красноярскын хизаар болонСаха (Яхад) Уласта эльгээгдэһэн байгаа, - гэжэ Буряад Уласай ойн ажахын агентствын хүтэлбэрилэгшэ Сергей Борошноев хөөрэнэ.
2023 ондо “Ой модо хамгаалга” гэһэн нютаг можын түсэл бэелүүлхэ хэмжээн соо 131,7 сая түхэриг һомологдоо. Ойн түймэрэй 25 шэрхэг техникэ абтаа. Энэ бүхы техникэ "Лесхозууд” гэһэн БУ-ай АУ-гай мэдэлдэ ороо.
