Байгаалиин болон үйлэдбэриин гаралтай онсо ушаралта байдалда хохидоһон эрхэтэдтэ туһа хүргэхэ шэнэ арга Ород гүрэндэ бии болохо.
2024 оной январиин 1-һээ хүндэ хүшэр байдалда ороһон эрхэтэдтэ зээли үгэгшэдэ тодорхой нүхэсэлдэ ба байдалда 6 һар болотор болзорто хэрэглэгшын зээлиин хэлсээгээр уялгануудаа дүүргэлтэ саг зуура зогсоохо тухай эрилтэтэйгээр хандаха арга олгогдохо. Тиимэ ямар нэгэ байдал болбол усалай байдалда байһан байшан гэртэ байлга, хүнэй байхааргүй болоһон гэртэ болон федеральна, нютаг можо хоорондын, нютаг можын, муниципальнын хоорондын болон муниципальна удхатай онсо ушаралта байдалда тэрэнэй эд зөөриин хохидолдо оролго.
- Иимэ ушарта зээли абагша энээн тухайгаа “Байгаалиин ба үйлэдбэриин гаралтай онсо ушаралта байдалһаа хүн зониие болон газар дэбисхэр хамгаалха тухай” Федеральна хулиин ёһоор нютагай өөһэдын хүтэлбэриин зургаануудай үгэһэн гэршэ болохо бэшэг баримтануудые үзүүлһэн үдэрһөө хойшо 60 үдэрэй туршада зээли үгэгшэдэ хандаха эрхэтэй. Хүнгэлэлтэ үгэһэн үеһөө абаһан зээлингөө түлөө дүүргөөгүй гү, али дутуу дүүргэһэн ушарта торгожо болохогүй, - гэжэ уласай ниигэмэй халамжын яамандэ мэдээсээ.
