Буряад Уласта гүрэнэй шагнал бии болоо. Эдэбхитэй бизнес эрхилэгшэд “Буряад Уласай габьяата олзын хэрэг эрхилэгшэ” болохо аргатай. Энээн тухай уласай толгойлогшо мэдээсээ гэжэ Восток-Телеинформ
бэшэнэ.
Буряад Уласта мүнөө дээрээ 34,3 мянган олзын хэрэг эрхилэгшэд ажаллана, тэдэнэй 19,9 мянганиинь аймагуудта хүдэлжэ, эдэй засагай хүгжэлтэдэ хубитаяа оруулна.
- Манай олзын хэрэг эрхилэгшэд гүрэнэй-хубиин хамтарал хүгжөөлгэдэ хабаадалсадаг, үйлэдбэридэ, мүн баһа эсэгэ ороной үрэ бүтээлэй гү, али үйлшэлгын шанар болон үрдилдөөнэй нүхэсэлхангалгада үндэр амжалтануудые туйлана. Олонхинь биснестэ амжалта туйлахаһаа гадна аймагай болон бүхыдөө уласай олониитын ажабайдалда эдэбхитэй оролсодог, - гэжэ Буряад Уласай толгойлогшо тэмдэглээ.
Мүнөө дээрээ олзын хэрэг эрхилэгшэдые урмашуулха нэгэ түхэлынь болбол Буряад Уласай үйлэдбэриин, худалдаанай болон хүрэнгэ оруулалтын яаманай албан мэдэлэй шагнал болохо “Хүндэтэ олзын хэрэг эрхилэгшэ” гэһэн бии, гэхэдээ уласай хэмжээнэй гүрэнэй шагнал байгуулагдаагүй байна.
Олзын хэрэг эрхилэлгэдэ габьяатай байһанай түлөө энэ шагнал хүнүүдтэ барюулагдаха.
