Буряад Уласта СВО-до оролсогшодые дэмжэхэ нютаг можын хэмжээн үргэдхэгдэхэ болоо. Буряад Уласай Толгойлогшо Алексей Цыденовэй эдэбхи үүсхэлээр сэрэгэй тусхай ябуулгада ябагшадые дэмжэхэ талаар байһан хэмжээнүүдтэ нэмэлтэ болгон шэнэ арга хэмжээнүүд – унаа тээбэриин татабариһаа тэдэниие сүлөөлөө. Буряад Уласай Арадай Хуралай үнгэрэгшэ сесси дээрээ тус хуули баталан абтаа. Холбоото Ород Уласай Засагай газар өөрын талаһаа сэрэгтэ элсүүлэгдэгшэдтэ болон тэдэнэй гэр бүлэнүүдэй гэшүүдтэ ниигэмэй халамжын дэмжэлгын нютаг можын хэмжээнүүдые олголго хүнгэлөө, гэжэ Буряад Уласай засагай газарай хэбэлэ мэдээсэлэй албан мэдээсэнэ.
Буряад Уласайхуулиин ёһоор, сэрэгэй тусхай ябуулгада ябагшадые тээбэриин татабари таталгаһаа 2 жэлээр хүнгэлэгдөө сэрэгэй алба хаагшын гэр бүлын нэгэ тээбэриин хэрэгсэлһээ (хоёр гү, али олон тээбэриин хэрэгсэл эзэмшэгшэдэй тэдэнэй дураар али нэгые шэлэһээр болохо).
Уласта урид абтаһан арга хэмжээнүүд хүсэндө байһан зандаа:
- Буряад Уласһаа нэгэ дахин түлэгдэхэ түлбэри;
- СВО-до ябагшадай тооһоо үншэн хүүгэдтэ, түрэлхидэй харгалзагүй үлэһэн хүүгэдтэ гэр байраа һайжаруулгада нэгэ түлэгдэхэ мүнгэн түлбэри (сетификат);
- СВО-до ябагшадай, наһа баргашадай гү, али 1 дүгээр группын эрэмдэг бэетэй бологшодой хүүгэдтэ дээдэ болбосоролой гүрэнэй эмхи зургаануудта болбосоролой хүтэлбэриин талаар һургалтын түлбэриие уласай бюджедэй мүнгэнэй тоосоогоор түлбэри;
- сэрэгэй тусхай ябуулгада ябажа, сэрэгтэ гэмтэлгэ абажа эрэмдэг бэетэй болоһон, ба наһан болоһон сэрэгэй алба хаагшадай гэр бүлэнүүдэй гэшүүдтэ гэртэнь ниигэмэй хангамжын түлбэри үйлшэлгэ;
- уласай гүрэнэй болон муниципальна хүүгэдэй сэсэрлигэй болон юрэнхы болбосоролой эмхинүүдтэ ээлжээнгүй гуримаар хүүгэдые абалга;
- СВО-до ябагшадай, наһан болоһон гү, али 1 дүгээр группын эрмдэг бэетэй болоһон хүнүүдэй хүүгэдтэ ээлжээнгүйгөөр хүүгэдэй амаралтын ба тэдэниие элүүржүүлгын эмхинүүдтэ путёвконуудые үгэлгэ;
- СВО-до ябагшадай хүүгэдтэ һургуулинуудта халуун хоолоор үнэгүй хангалга;
- хуули ёһоной түлбэригүй үйлшэлгын туһаламжа.
