Буряад Уласай ТолгойлогшоАлексей Цыденов шарха абаһан сэрэгэй алба хаагшадай албаа дүүргэһэнэйнь удаа ажалда оруулха талаар бэлдэһэн хэмжээнүүд тухай хөөрэжэ үгөө, тиихэдэ эмнэлгэ бэе махабад һэргээлгын шатын тон шухала байһан тухай тэрэ хэлээ. Ноябриин 28-да шууд эфирэй үедэ энэ сэдэб хүндэгдэһэн байгаа.
- Ямар ажал хэгдэхэ бэ гэжэ хэлэхэ болоо һаа, бидэ өөһэдтөө иишэ шиидхэбэри абаад байнабди, тэдэнэй бусахадань һургуулинуудта нэмэлтэ ставкануудые оруулха болохобди. Тэдэнэр эхин шатын сэрэгэй бэлдэлгэ зааха, тэрэ мүнөө шухала байна ба һургуули бүхэндэ иимэ ажалай байра бии болохо. Эдэ хүбүүдэй олонхинь багшын мэргэжэлгүй байһан тула бидэ өөһэдынгөө һуралсалай эмхи зургаануудта бэлдэлгыень түлбэригүй хэхэбди. Тэдэнэр бэлдэлгэ гараха, хүүгэдтэй хүдэлхэ тусхай зүбшөөрэл, мэдэсэ абаха, тиигэжэ сэрэгэй туршалгатай байһан тула һургуулинуудта хүдэлхэ болохо, - гэжэ Алексей Цыденов хэлээ.
Нютаг можын тэригүүнэй хэлэһэнэй ёһоор, юрэнхылэгшэ хэдэн даабаринуудые үгөө, тэрэнэй дагуу шиидхэбэринүүд абтахадаа, хүндэ гэмтэлгэтэй, хүл гаргүй хүбүүдтэ военкомадта ажалай байранууд гаргагдаха, тэдэнэр тэндэ ажаллаха болохо.
- Хэн нэгэниинь, минии хөөрэлдэһэн хүнүүд албанһаа болихо дурагүй байна, сэрэгэй ангинуудта үлэхэ дуратай байна. Тэндэ инструкторай ажал бии, тэндэ хүдэлжэ болохо, тэдэнэр тэндээ үлдэхэ бэлэн байна, - гэжэ Алексей Цыденов хэлээ.
