Буряад Уласай шэнэ автобусуудые абаха тухай мэдүүлгэ бариһанииень Минтранс зүбшөөбэ. Хүн зониие шэрэжэ байха шэб шэнэ томохон автобусууд ерэхэ. Энэ хэрэг “Аюлгүй, һайн шанартай харгынууд” гэһэн Үндэһэн түсэлэй аргаар бэелүүлэгдэнэ. Шэнэ автобусуудай сэнгынб аяар 40% хүнгэлэлтэтэй болоно. Бүхыдөө аяар 73 томо автобусуудые худалдан абаха юм, үшөө 65 дунда зэргын багтаамжатай унаа ерэхэ. Тус хэрэг бэелхын тула ДФО-гой вице-премьер Юрий Трутнев яһалхан туһалаа.
-Хүндэтэ нютагаархид! Улаан-Үдэ хотомнай ургажал, шэнэ томо кварталнууд бодожол байна. Арад зониие зоохэ автобусуудай талаар асуудалнуудые усадхаха ажал хэгдэжэ байна. Түргэн сагай туршада хэхэ һанаан байбашье, тэрэ сагтаа бүхы юумэн бүтэдэггүй жаматай. Тиибэшье алхам алхамаар ажалаа ябуулнабди, - гэжэ Толгойлогшо хэлэбэ.
-Баталагдаһан мүнгэн туһалмжын хэмжээн 517 сая түхэриг болоно. Нэгэ ехэ автобусай сэн 16 сая түхэриг болоно. Тиимэһээ Ород Уласай гүрэнэй корпорациин шэглэлээр авто-унаануудые худалдан абаха һанаатай байнабди, - гэжэ Засагай газарай Түрүүлэгшын орлогшо Евгений Луковников дуулгана.
