Социальна политикын хорооной түрүүлэгшэИгорь Марковец Буряад Уласай Арадай Хуралай Баярай бэшэгүүдые Илалтын 76 жэлдэ зорюулагдаhан «Илалтын десант» гэжэ акцида хабаадагша оюутадта барюулаа. Энэ акциин хэмжээн соогуур оюутадай отряднуудайволонтёрнууд Улаан-Yдэ хотын Восточный ба Машзавод тосхонуудай Эсэгэ ороноо хамгаалгын Агууехэ дайнай ветерануудай байрануудта заhабарилгын ажалнуудые үнгэргөө. Сонхонуудые шэрдээ, байрыень сагаадаа, сонхонууд ба балконуудыень угаагаа. Наhатай зондо энэ ехэ хүндэ ажал залуушуул хоёр үдэрэй туршада үнгэргөө. Энэ хэмжээ ябуулгын үүсхэгшэ БРО МООО ««Российские студенческие отряды» болоно. Һунгамал Игорь Марковец энэ hайн үүсхэлэй эхи табилга дэмжээ. Тэрэ залуушуулда эдэбхитэй эрхэтэнэй бодолойнь түлөө баяраа мэдүүлээ:
- Таанад сэдьхэлэйнгээ уряагаар ветерануудта ехэ туhа хүргөөт. Оюутадай ажалай хүдэлөөн - манай ороной залуушуулай эгээ ехэ хүдэлөөн болоно, тэрэ Оросой холбоотой уласай 74 субъектнүүдэй 240 мянган залуушуулые саг зуурын ажалаар хангадаг, тэдэнэй хүмүүжүүлгэ бэелүүлдэг.
