Буряад Уласай толгойлогшо Алексей Цыденов ойн түймэрнүүдые унтарааха ажалай түсэб баталба. Жэл бүхэндэ түймэрэй аюулай хаһа апрель hара соо эхилдэг, энэл сагhаа түймэрэй һүжэрхэ аюулhаа hэргылэмжын гурим сахилга эхилдэг. Суглуулhан түсэбэй ёhоор түймэр унтараалганда 2800 хүнhөө дээшэ болон 1337 техникэ татагдажа болохо, энэ нёдондонhоо 42 техникээр олон. Yшөө тиихэдэ, «Ой тайга бүтэн үлөөлгэ» гэжэ холбоото уласай түсэлэй «Байгаали хамгаалалга» гэжэ үндэhэн түсэл бэелүүлгын хэмжээн соогуур Буряад Уласта түймэр унтараадаг 70 техникэ жэлэй хугасаа соо ерэхэ, - гэжэ Восток-Телеинформ Буряад Уласай Засагай газарай мэдээсэлэй албанhаа дуулгана.
Буряад Уласай ойн ажахынуудта техникын бүтэн болон бэлэн байлгые шалгалта эхилээ, Захааминай аймагта дарганарай штабай hуралсал үнгэрбэ.
- Ойн түймэр сарагшад мүнөө жэлдэ техническэ хэрэгсэлнүүдээр hайн хангагданхай – шэнэ бульдозер, трал, ойн харуулшадай ябаха вахтовканууд абтанхай. «Ой тайга бүтэн үлөөлгэ» гэжэ холбоото уласай түсэлэй «Байгаали хамгаалалга» гэжэ үндэhэн түсэлэй хэмжээн соогуур хангалга бэелүүлэгдэнэ.
Агаарай ойн харуулшадай бүлгэмүүд шангалагданхай. Дутуу дунданууд байбашье, тэдэ усадхамаар. Захааминай аймагта түймэрэй һүжэрхэ сагта бэлэн, - гэжэ Буряад Уласай Засагай газарай Түрүүлэгшын аюулгүй байдалай талаар орлогшо Пётр Мордовской дуулгаба.
Али нэгэн газарта һүжэрһэн түймэр тэрэ дороо харуулха аргатай «Лесоохранитель» гэжэ 20 видеокамерануудта үшөө арбые нэмэхэ. Шэнэ оньһон хэрэгсэлнүүдэй туһаламжаар агаар дээрэһээ ой модон харагдажа, али нэгэн газарта һүжэрһэн түймэр тэрэ дороо харагдаха аргатай.
Буряад Уласта ойн түймэрэй аюултай хаһын онсо гурим абтанхай гэжэ һануулнабди.
