Короновирус үбшэнэй байдал хиналгын болон саг үргэлжэ адаглан шалгалгын Уласай штабай ээлжээтэ суглаан дээрэ эдеэ хоолой ба эдеэ хоолой бэшэ худалдаанай олон эмхинүүдтэ короновирустай тэмсэлгын хэмжээнүүдые шангалха тухай шиидхэбэри абтаа. Илангаяа, наймаанай эмхинүүдтэ хамар, ама хоолойгоо халдабарита үбшэнһөө халхалха, маскагүй зониие оруулхагүй эрхэ олгохо тухай хэлэгдэнэ,- гэжэ Буряад Уласай Засагай газарай хэблэлэй албан дуулгана.
Иимэ шиидхэбэри абахын шалтаг гэхэдэ, халдабарита үбшэн тухай үбшэнтэнэй үгэhэн мэдээнүүдые суглуулхада, короновирус үбшэндэ нэрбэгдэhэн зоной 95% үбшэндэ халдаhанаа олон зоной сугларhан худалдаа наймаанай дэлгүүрнүүдтэй, эдеэ хоолой газартай холбоно.
Наймаанай эмхинүүд мүнөө сагта эгээ олон зоной суглардаг газар болоно, тиимэhээ тэдэндэ короновирустай тэмсэлгын бүхы хэмжээ ябуулгануудые үнгэргэхэ захирал гаранхай.
Томон наймаанай эмхинүүдээр санитарна-эпидемиологичекэ эрилтэнүүдые, тэрэнэй тоодо зайн эрилтэнүүдые, бэеэ хамгаалгын арга хэрэгсэлнүүдые хэрэглэлгын эрилтэнүүдые сахилгын журам шалгажа рейднүүд үнгэргэгдэхэ.
