Дулаанай, зайн галай, унаа гү, али хүн зониие зөөхын түлөө сэнгүүдэй хэмжээ бүридхэн тогтоохо хэрэгтэ Арадай Хурал анхаралаа хандуулжа байха, - гээд апрелиин 22-то парламентын түрүүлэгшэ Цырен-Даши Доржиев соносхобо. «Тогтоогдоһон сэнһээ олон юумэн имагтал дулдыдадаг,- гэжэ тэмдэглэхэ зуураа – Манай эндэ сэн тогтоолгын тусхай албан бии гэбэшье, депутадууд тэрээнтэй хүсэд һайнаар холбоогүй хүдэлнэ. Жэшээнь, сэнгүүд улас түрын һангай абтаагүйдэ баталагдана. Тиимэһээ Эдэй засагай хороондо сэн тогтоохо асуудалые наринаар хаража байхыень баадханаб»,- гээд тэрэ заабарилаа.
Энэ ажал Арадай Хуралай түсэбүүдтэ заатагүй оруулагдаха гээд спикер үгэ алдаа бэлэй. Тиигэжэ удаадахи, июнь соо зарлагдаха хуралдаан дээрэ сэн тогтоолгые хинажа байхаар арганууд зүбшэгдэхэ юм.
