Буряад Уласай толгойлогшо Алексей Цыденов уласай Монгол Уласай үадар сайд Номтойбаяр Нямтайширтай ажалай уулзалга үнгэргөө. Хөөрэлдөөнэй гол сэдэб хадаа Алтанбулагай Хяагта хилын эдэй засагай бүһэ хүгжөөлгэ болоно.
Буряад Уласай толгойлогшо энэ дэбисхэртэ хамтын олзын хэрэг эрхилэлгын болон мүнөө үеын логистикын ехэ арга боломжо бии гэжэ тэмдэглэбэ.
Аюулгүй байдал болон түргэн туһаламжын талаар онсо анхарал хандуулагдаа. Алексей Цыденов Улаан-Үдын авиазаводһоо Монголой Онсо байдалай яаманай абаргын частьнуудта вертолёдуудые хангаха тухай бодомжолхые дурадхаба. Таланууд ойн түймэрнүүдые һэргылхэ, дараха, онсо байдал хинаха, мэргэжэлтэдые бэлдэхэ талаар ажал үргэдхэхэ тухай хэлсэбэ.
"Бидэ бэе бэеэ үни удаан танижа, бэе бэеэ ойлголсожо ябаабди. Мүнөөдэр манай эдэй засагта бодото нүлөө үзүүлхэ тусхай асуудалнуудые зүбшэн хэлсэхэ руу шэлжэбэбди", - гэжэ Буряадай толгойлогшо тэмдэглэбэ.
Һануулхада, Улаан-Үдэдэ буряад бүтээлнүүдэй үзэсхэлэн асарагдаа. Ород Уласай Засагай газарай Түрүүлэгшын орлогшо Алексей Оверчук болон Монголой суг хүдэлдэг нүхэдтөө бүтээлнүүдые харуулаа гэжэ Буряад Уласай толгойлогшо Алексей Цыденов мэдээсэбэ. Энэ үзэсхэлэндэ кондитерэй зүйлнүүд, үтэгжүүлгэнүүд, дулаанай эршэм хүсэнэй түхеэрэлгэнүүд, эмнэлгын болон эдеэ хоолой зүйлнүүд болон бусад олон зүйлнүүд табигданхай.
"Манай үйлэдбэрилэлэй олонхинь Монголдо эрилтэтэй болоод байна. Тиимэһээ мүнөө зорилго табигданхай: Монголой дэлгүүртэ буряад үйлэдбэрилэгшэдэй байра һууриие үргэдхэхэ, шэнэ түншэдые бэдэрхэ, хангалгын хэмжээе дээшэлүүлхэ. Манай компанинууд эндэ һайн ерээдүйтэй. Бидэ тэдэндэ Монголой наймаанда ороходонь туһалхабди, хоорондын наймаа хүгжөөхэбди", - гэжэ Алексей Цыденов тэмдэглэбэ.
